બોલિવૂડ એક્ટર ટાઈગર શ્રોફ ફરી એકવાર પોતાના દમદાર એક્શનથી ચાહકોનું દિલ જીતવા આવી રહ્યો છે. લાંબી રાહ જોયા બાદ આજે ટાઈગર શ્રોફ અને કૃતિ સેનનની ફિલ્મ ‘ગણપત’ (Ganapath Teaser )નું ટીઝર રિલીઝ કરવામાં આવ્યું છે. પોસ્ટર શેર કરતી વખતે ટાઈગરે અગાઉ 27મી સપ્ટેમ્બરે ટીઝર રિલીઝ કરવાની જાહેરાત કરી હતી, પરંતુ સલમાન ખાનની ફિલ્મ ટાઈગર 3ના મેસેજને કારણે ગણપતનું ટીઝર રિલીઝ કરવામાં આવ્યું ન હતું. ટાઈગર શ્રોફની ગણપતમાં અમિતાભ બચ્ચન પણ મહત્વની ભૂમિકા ભજવી રહ્યા છે.
ટીઝરમાં કૃતિ સેનન સ્ટંટ કરતી જોવા મળી
ગણપતના ટીઝરને ટાઈગર શ્રોફે ટ્વિટર પર શેર કર્યું છે અને લખ્યું છે કે, ઈંતજાર કા વક્ત ખતમ હુઆ.. આ ગઈ હમ આપકો અપની દુનિયામે લે જાને. ટીઝરની શરુઆતમાં 2027 એડીને ટાઈગર શ્રોફ જોઈ રહ્યો હોય છે.જેઓ ધ્યાનની મુદ્રામાં બેઠા છે. પછી આપણને એવી દુનિયાની ઝલક બતાવવામાં આવે છે જ્યાં હાહાકાર મચ્યો છે. આ પછી, ટાઇગર લોકોના માટે ન્યાય માટે લડે છે. ટીઝરમાં કૃતિ સેનન પણ સ્ટંટ અને લડાઈ કરતી બતાવવામાં આવી છે. આંખે પાટા બાંધેલા અમિતાભ બચ્ચનની એક ઝલક પણ બતાવવામાં આવી છે. ટિઝર જોઈને ચાહકો ઉત્સાહિત થયા છે.
દશેરાના દિવસે રિલીઝ થશે ગણપત
‘ગણપતઃ અ હીરો ઈઝ બોર્ન’ વિકાસ બહલના નિર્દેશનમાં બની છે. વાશુ ભગનાની, જેકી ભગનાની અને દીપશિખા દેશમુખ દ્વારા નિર્મિત આ ફિલ્મને લઈને ચાહકો ખૂબ જ ઉત્સાહિત છે. ગણપત હિન્દી, તેલુગુ મલયાલમ, તમિલ અને કન્નડમાં દશેરા 2023 એટલે કે 24 ઓક્ટોબર, 2023ના રોજ રિલીઝ થશે. ગણપત વિશ્વના ઘણા દેશોમાં પણ રિલીઝ થશે.
