OpenAI દ્વારા ગયા વર્ષે ChatGPT લોન્ચ કરવામાં આવી ત્યારથી તે ચેટબોટના બજારમાં ચર્ચાનું કેન્દ્ર બની ગઈ છે. આ વચ્ચે હવે OpenAIના CEO સેમ ઓલ્ટમેને જણાવ્યું હતું કે જો ChatGPTના નિર્માતા યૂરોપીયન યુનિયનના આગામી આર્ટિફિશિયલ ઈન્ટેલિજન્સના નિયમોનું પાલન કરવામાં અસમર્થ રહેશે તો તેઓ યુરોપ છોડવાનું વિચારી શકે છે. ઓલ્ટમેને લંડનમાં એક ઈવેન્ટમાં હાજરી આપી હતી.
યુરોપિયન યુનિયન આર્ટિફિશિયલ ઈન્ટેલિજન્સને નિયંત્રિત કરવા માટે વૈશ્વિક સ્તરે કયા નિયમો રાખવા જોઈએ તે અંગેનો ડ્રાફ્ટ તૈયાર કરી રહ્યું છે. એવું કહેવામાં આવી રહ્યું છે કે ડ્રાફ્ટમાં, ChatGPT જેવા જનરેટિવ AI ટૂલ્સનો ઉપયોગ કરતી કંપનીઓએ તેમની સિસ્ટમ વિકસાવવા માટે ઉપયોગમાં લેવાતી કોઈપણ કૉપિરાઇટ સામગ્રીને જાહેર કરવી પડશે.
OpenAIના સીઈઓએ કહ્યું હતું કે અમે યુરોપના નવા નિયમોને અનુરૂપ રહેવાનો પ્રયાસ કરીશું જ્યારે તેઓ આર્ટિફિશિયલ ઈન્ટેલિજન્સ પાછી ખેંચતા પહેલા તૈયાર થઈ જશે. તેમણે વધુમાં ઉમેર્યું હતું કે યૂરોપીયન યુનિયનનો AI એક્ટનો વર્તમાન ડ્રાફ્ટ ઓવર-રેગ્યુલેશન હશે પરંતુ અમે સાંભળ્યું છે કે તેને પાછો ખેંચવામાં આવી રહ્યો છે. હજુ પણ તે વિશે વાત ચાલી રહી છે.
યુરોપિયન યુનિયનના સાંસદો આ મહિનાની શરૂઆતમાં ડ્રાફ્ટ એક્ટ પર સર્વસંમતિ પર પહોંચી ગયા છે. હવે બિલની અંતિમ વિગતો પર સંસદ, કાઉન્સિલ અને કમિશનના પ્રતિનિધિઓ વચ્ચે ચર્ચા થશે.
