કચ્છમાં રાષ્ટ્રીય અને દરિયાઈ સુરક્ષાને સર્વોચ્ચ પ્રાથમિકતા આપતાં વહીવટી તંત્રે આજે વહેલી સવારથી કંડલા પોર્ટ વિસ્તારમાં ગેરકાયદેસર દબાણો સામે વિશાળ અભિયાન શરૂ કર્યું છે. કંડલા અને મીઠા પોર્ટ આસપાસના સંવેદનશીલ વિસ્તારોમાં છેલ્લા કેટલાક સમયથી ઉગેલા અનધિકૃત બાંધકામો સુરક્ષા માટે ગંભીર જોખમ સર્જી રહ્યા હતા, જેને ધ્યાનમાં રાખીને તંત્રે મેગા ડિમોલિશન ડ્રાઇવ હાથ ધરી છે. આ કાર્યવાહી દરમિયાન તંત્રએ વિસ્તારને પોલીસ છાવણીમાં ફેરવી દીધો હતો જેથી કોઈ અનિચ્છનીય પરિસ્થિતિ ઊભી ન થાય.
अतिक्रमण के खिलाफ गुजरात सरकार की एक और बड़ी कार्यवाही– कांडला के पोर्ट एरिया में चल रही है मेगा डिमोलिशन ड्राइव — पिछले साल कांडला पोर्ट से 170 एकर पोर्ट एथोरिटी की ज़मीन खाली करवाई गयी थी और आज की इस ड्राइव में 100 एकर जमीन खाली करवाई जा रही है ..
जानिये क्या है इस अतिक्रमण… pic.twitter.com/o2pZIP6pUy
— Nirnay Kapoor (@nirnaykapoor) December 8, 2025
લગભગ 40 ઉચ્ચ અધિકારીઓ અને 500 જેટલા પોલીસકર્મીઓની હાજરીમાં લેવામાં આવેલી આ કાર્યવાહી સવારે શરૂ કરતા જ તેજ ગતિએ આગળ વધી હતી. દબાણો દૂર કરવા માટે 20 જેસીબી, 20 હિટાચી મશીન, 40 લોડર, 40 ડમ્પર અને અનેક ટ્રેક્ટરો જેવી જંગી મશીનરીનો ઉપયોગ કરવામાં આવ્યો હતો. અત્યાર સુધીની કામગીરીમાં અંદાજે 100 એકર જેટલી સરકારી જમીનમાંથી ગેરકાયદેસર દબાણો હટાવીને વિસ્તારને સંપૂર્ણપણે ખાલી કરવામાં આવ્યો છે.
મુક્ત કરાયેલ આ જમીનની બજાર કિંમત લગભગ ₹250 કરોડ જેટલી ગણવામાં આવી રહી છે. કંડલા પોર્ટ વિસ્તાર દેશની સુરક્ષા માટે અત્યંત મહત્વનો ગણાય છે અને અહીંના ગેરકાયદેસર દબાણો રાષ્ટ્રીય સુરક્ષાની દૃષ્ટિએ જોખમરૂપ માનાતા હોવાથી આ કડક પગલા લેવામાં આવ્યા છે. હાલમાં પોલીસના ચુસ્ત બંદોબસ્ત વચ્ચે આ ડિમોલિશન ડ્રાઇવ યુદ્ધના ધોરણે ચાલુ છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
