ભારત અને ન્યૂઝીલેન્ડ વચ્ચે મુક્ત વ્યાપાર કરાર (ફ્રી ટ્રેડ એગ્રીમેન્ટ) પર સોમવારે (22 ડિસેમ્બર) સત્તાવાર હસ્તાક્ષર કરવામાં આવ્યા છે, જે બંને દેશોની વ્યાપારિક અને રાજકીય સંબંધોને મજબૂત બનાવવા માટે એક ઐતિહાસિક પગલું માનવામાં આવે છે. વડા પ્રધાન નરેન્દ્ર મોદી અને ન્યૂઝીલેન્ડના વડા પ્રધાન ક્રિસ્ટોફર લક્સન વચ્ચે ટેલિફોનિક વાતચીતમાં આ કરારને અંતિમ અને ઔપચારિક સ્વરૂપ આપવામાં આવ્યું. બંને પક્ષોએ કહ્યું છે કે આ કરાર ઐતિહાસિક છે અને બંને દેશોને વ્યાપારિક, આર્થિક અને સામાજિક રીતે લાભદાયી થશે.
આ ફ્રી ટ્રેડ એગ્રીમેન્ટ નવ મહિનાના ટૂંકા ગાળામાં તૈયાર કરવામાં આવ્યું છે, જે અનન્ય રીતે ઝડપી આગળ વધેલી વ્યવહારિક સફળતા ગણાય છે. ન્યૂઝીલેન્ડના વડા પ્રધાનની માર્ચ 2025માં ભારત યાત્રા દરમિયાન આ કરાર અંગેની વાતચીત શરૂ થઈ હતી, અને વર્ષના અંત સુધીમાં બંને દેશોએ તેને આખરી સ્વરૂપ આપ્યું. સામાન્ય રીતે આંતરરાષ્ટ્રીય મુક્ત વેપાર કરારોને મંજૂર કરાવવા માટે લાંબી ચર્ચા અને પડકારોનો સામનો કરવો પડે છે, પરંતુ ભારત-ન્યૂઝીલેન્ડ બંનેએ નિશ્ચિત સમયગાળામાં તમામ અડચણો દૂર કરીને ડિલ પૂર્ણ કરી.
An important moment for India-New Zealand relations, with a strong push to bilateral trade and investment!
My friend PM Christopher Luxon and I had a very good conversation a short while ago following the conclusion of the landmark India-New Zealand Free Trade Agreement.…
— Narendra Modi (@narendramodi) December 22, 2025
પીએમ મોદીએ આ મહત્વપૂર્ણ માઈલસ્ટોનને લઈને સોશિયલ મીડિયામાં પોસ્ટ કરીને જણાવ્યું કે આ કરાર બંને દેશોની મજબૂત રાજકીય ઈચ્છાશક્તિ અને વ્યાપારિક ભાગીદારીને વધુ ગાઢ કરવા માટેના સહિયારા પ્રયાસોને દર્શાવે છે. તેમણે ઉમેર્યું કે આ ડિલથી રોકાણમાં વધારો થશે અને ખાસ કરીને ઇનોવેટર, ખેડૂતો, લઘુ ઉદ્યોગો, યુવાનો અને વિદ્યાર્થીઓ માટે નવી તકો ખુલશે. આ કરાર ભારત-ન્યૂઝીલેન્ડના વ્યાપારને વધુ સુવ્યવસ્થિત અને પ્રતિસ્પર્ધી બનાવશે, જે બંને દેશોની આર્થિક વૃદ્ધિ અને વૈશ્વિક બજારમાં સક્રિય ભાગીદારી માટે મહત્વપૂર્ણ સાબિત થશે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
