તમિલ સિનેમાના બે મહાનાયક રજનીકાંત અને કમલ હાસન આશરે 47 વર્ષના લાંબા અંતરાલ બાદ ફરી એકવાર મોટા પડદા પર સાથે જોવા મળશે. 21 ફેબ્રુઆરી 2026ના રોજ ફિલ્મનો ઓફિશિયલ એનાઉન્સમેન્ટ વીડિયો રિલીઝ થતાં જ સોશિયલ મીડિયા પર ભારે ઉત્સાહ જોવા મળ્યો છે. ચાહકો આ ઐતિહાસિક જોડીને એક જ ફ્રેમમાં જોવા આતુર બની ગયા છે.
છેલ્લે 1979માં સાથે, હવે ઐતિહાસિક વાપસી
ઉલ્લેખનીય છે કે આ જોડી છેલ્લે 1979ની ફિલ્મ અલાઉદ્દીનમ અલભુથા વિલાક્કુમમાં સાથે જોવા મળી હતી. લગભગ અડધી સદી પછી બંને દિગ્ગજોને સાથે લાવતી આ ફિલ્મને ભારતીય સિનેમાની ઐતિહાસિક ઘટના તરીકે જોવામાં આવી રહી છે.
ફિલ્મનું નિર્દેશન નેલ્સન દિલીપકુમાર કરી રહ્યા છે, જેઓ અગાઉ Jailer માટે જાણીતા છે. સંગીતની જવાબદારી લોકપ્રિય સંગીતકાર Anirudh Ravichander સંભાળશે.
રેટ્રો લુક અને સ્ટાઇલિશ ‘ટ્વિનિંગ’
રિલીઝ થયેલા પ્રોમોમાં બંને સુપરસ્ટાર્સ રેટ્રો લુકમાં અને સમાન કપડાં (ટ્વિનિંગ)માં જોવા મળે છે. વીડિયો હોટલના બે અલગ રૂમમાંથી બંનેના બહાર આવવાથી શરૂ થાય છે અને તેમની મજેદાર નોકઝોંક ચાહકોનું દિલ જીતી લે છે.
ખાસ કરીને એક સીનમાં કમલ હાસન અનિરુદ્ધને મજાકમાં પૂછે છે, “ફિલ્મમાં હીરો કોણ છે?” ત્યારે રજનીકાંત પણ રમૂજી અંદાજમાં પ્રતિભાવ આપે છે. આ દૃશ્ય સોશિયલ મીડિયા પર ઝડપથી વાયરલ થઈ રહ્યું છે.
બોક્સ ઓફિસ પર 1000 કરોડની આશા
પ્રોમો રિલીઝ થતાં જ ચાહકો ફિલ્મને બ્લોકબસ્ટર ગણાવી રહ્યા છે. સોશિયલ મીડિયા પર દાવા થઈ રહ્યા છે કે ફિલ્મ 1000 કરોડ રૂપિયાનો આંકડો પાર કરી શકે છે અને તમિલ સિનેમાના અનેક રેકોર્ડ તોડી શકે છે.
ફિલ્મની જાહેરાત પહેલાં કમલ હાસને સોશિયલ મીડિયા પર રજનીકાંતને પોતાના મિત્ર તરીકે સંબોધીને લખ્યું હતું કે, “દરેક શાનદાર સફર એક નવો અધ્યાય ઈચ્છે છે.”
હાલમાં નેલ્સન રજનીકાંત સાથે Jailer 2 પર પણ કામ કરી રહ્યા છે, પરંતુ આ નવી ફિલ્મે અત્યારથી જ સિનેમા પ્રેમીઓમાં ભારે કુતૂહલ જગાવી દીધું છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
🔗 https://www.youtube.com/@oneindianewscom-Gujarat
🔗 https://www.youtube.com/@oneindianewscom
