Skip to content
ગુરુવાર, નવેમ્બર 19, 2026 Ahmedabad 25°C

હાઈડ્રોલિક કટર મશીનથી એક કલાકના રેસ્ક્યુ બાદ ડ્રાઈવર બહાર કાઢાયો, ગંભીર ઈજાઓ સાથે હોસ્પિટલમાં ખસેડાયો

હાઈડ્રોલિક કટર મશીનથી એક કલાકના રેસ્ક્યુ બાદ ડ્રાઈવર બહાર કાઢાયો, ગંભીર ઈજાઓ સાથે હોસ્પિટલમાં ખસેડાયો

અમદાવાદના Sarkhej–Sanand Highway પર ગત મોડી રાત્રે એક ગંભીર ટ્રક અકસ્માત સર્જાયો હતો. ટ્રક અને અન્ય વાહન વચ્ચે થયેલી જોરદાર ટક્કર બાદ ટ્રકની કેબિનનો કચ્ચરઘાણ વળી ગયો હતો, જેના કારણે ડ્રાઈવર અંદર જ ફસાઈ ગયો હતો.

ઘટનાની જાણ થતાં જ Ahmedabad Fire and Emergency Servicesની ટીમ તાત્કાલિક ઘટનાસ્થળે પહોંચી ગઈ હતી. અકસ્માત એટલો ભયાનક હતો કે ટ્રકની લોખંડની કેબિન સંપૂર્ણપણે દબાઈ ગઈ હતી અને ડ્રાઈવરને બહાર કાઢવું અત્યંત મુશ્કેલ બની ગયું હતું.

ફાયર બ્રિગેડનું દિલધડક રેસ્ક્યુ ઓપરેશન

ફાયર બ્રિગેડના જવાનોએ સમય સૂચકતા અને કુશળતા દાખવીને આધુનિક હાઈડ્રોલિક કટર મશીનનો ઉપયોગ કર્યો હતો. ટ્રકની મજબૂત લોખંડની કેબિનને કટર વડે કાપીને અંદર ફસાયેલા ડ્રાઈવરને બહાર કાઢવા માટે લગભગ એક કલાક સુધી રેસ્ક્યુ ઓપરેશન ચલાવવામાં આવ્યું હતું.

અંતે ફાયર બ્રિગેડે ડ્રાઈવરને સુરક્ષિત રીતે બહાર કાઢવામાં સફળતા મેળવી હતી. ઘટનાસ્થળે મોટી સંખ્યામાં લોકો એકત્ર થઈ ગયા હતા અને સમગ્ર રેસ્ક્યુ ઓપરેશન જોવા માટે રસ્તા પર ટોળેટોળા ઉમટી પડ્યા હતા.

રેસ્ક્યુ બાદ જાણવા મળ્યું હતું કે ડ્રાઈવરને શરીરે ગંભીર ઈજાઓ પહોંચી છે. તેને તરત જ Gujarat 108 Emergency Serviceની એમ્બ્યુલન્સ મારફતે નજીકની હોસ્પિટલમાં સારવાર માટે ખસેડવામાં આવ્યો હતો. હાલ તેની સ્થિતિ સ્થિર હોવાનું જાણવા મળ્યું છે.

આ અકસ્માતને કારણે મોડી રાત્રે હાઈવે પર થોડા સમય માટે ટ્રાફિક જામની સ્થિતિ પણ સર્જાઈ હતી. જોકે પોલીસ કાફલાએ તાત્કાલિક ઘટના સ્થળે પહોંચી ટ્રાફિક વ્યવસ્થા સંભાળી અને વાહનવ્યવહાર ફરી શરૂ કરાવ્યો હતો.

અમારી યુટ્યુબ ચેનલને લાઈક કરો, શેર કરો અને સબસ્ક્રાઈબ કરો

Like, Share and Subscribe our YouTube channel

🔗 https://www.youtube.com/@oneindianewscom

🔗 https://www.youtube.com/@oneindianewscom-Gujarat

Filed under Ahmedabad Gujarat

Share this story

Latest News

View all
All latest news

Explore Districts

News from every corner of Gujarat.