હનુમાન જયંતિએ ‘રામાયણ’નું ટીઝર રિલીઝ, રણબીર કપૂર તરીકે ભગવાન રામની પ્રથમ ઝલક

બોલિવૂડની મોસ્ટ અવેટેડ ફિલ્મ રામાયણનું ટીઝર આખરે રિલીઝ થઈ ગયું છે, જેને લઈને ચાહકોમાં ભારે ઉત્સાહ જોવા મળી રહ્યો છે. હનુમાન જયંતિના પાવન અવસર પર રિલીઝ કરાયેલા આ ટીઝરમાં રણબીર કપૂર ભગવાન રામના પાત્રમાં સોમ્ય, શાંત અને શક્તિશાળી અંદાજમાં જોવા મળે છે. 2 મિનિટ 38 સેકન્ડના આ ટીઝરમાં કોઈ ડાયલોગ નથી, પરંતુ “રામ”નો ગુંજતો અવાજ આખા માહોલને આધ્યાત્મિક બનાવે છે.

ટીઝરમાં ઘણી ખાસ ઝલકો પણ જોવા મળે છે, જેમાં પુષ્પક વિમાન, રાવણનો શેડો અને અન્ય પાત્રોની સંકેતિક હાજરીનો સમાવેશ થાય છે. ટીઝરના અંત ભાગમાં યશની રાવણ તરીકેની ઝલક પણ દર્શાવવામાં આવી છે, જેનાથી ચાહકોમાં વધુ ઉત્સુકતા વધી ગઈ છે.

મેગા બજેટ અને બે ભાગમાં રિલીઝ થશે ફિલ્મ

નિર્દેશક નિતેશ તિવારી દ્વારા બનાવવામાં આવેલી આ ફિલ્મને અત્યાર સુધીની સૌથી મોટી ભારતીય ફિલ્મોમાંથી એક માનવામાં આવી રહી છે. અહેવાલો મુજબ, ફિલ્મ પર આશરે ₹4000 કરોડનો ખર્ચ કરવામાં આવ્યો છે. ફિલ્મ બે ભાગમાં રિલીઝ થશે—પહેલો ભાગ 2026માં અને બીજો ભાગ 2027માં, બંને દિવાળીના અવસર પર સિનેમાઘરોમાં આવશે.

મેકર્સ દ્વારા ફિલ્મ અંગે સસ્પેન્સ જાળવી રાખવામાં આવ્યું છે, અને સમયાંતરે ટીઝર અને ઝલકો દ્વારા દર્શકોમાં રસ જાળવી રાખવામાં આવી રહ્યો છે. આ ટીઝરમાં મુખ્યત્વે રામના પાત્ર પર ફોકસ કરવામાં આવ્યો છે, જ્યારે અન્ય પાત્રોને શેડો સ્વરૂપે દર્શાવવામાં આવ્યા છે.

કાસ્ટ અને પાત્રોની ઝલક

ફિલ્મમાં રણબીર કપૂર રામ તરીકે, યશ રાવણ તરીકે અને સાઈ પલ્લવી સીતા તરીકે જોવા મળશે. ઉપરાંત સની દેઓલ હનુમાનની ભૂમિકામાં છે, જોકે ટીઝરમાં તેમની સ્પષ્ટ ઝલક જોવા મળી નથી. કેટલાક દર્શકો માને છે કે ટીઝરમાં સંભળાતો “રામ”નો અવાજ હનુમાનનો હોઈ શકે છે.

અન્ય મહત્વપૂર્ણ પાત્રોમાં રવિ દુબે (લક્ષ્મણ), કાજલ અગ્રવાલ (મંદોદરી), લારા દત્તા (કૈકેયી), અરુણ ગોવિલ (દશરથ), રકુલ પ્રીત સિંહ (શૂર્પણખા) અને મોહિત રૈના (ભગવાન શિવ)નો સમાવેશ થાય છે.

સોશિયલ મીડિયા પર મિશ્ર પ્રતિસાદ

ટીઝર સામે આવ્યા બાદ સોશિયલ મીડિયા પર મિશ્ર પ્રતિસાદ જોવા મળી રહ્યો છે. ઘણા ચાહકો યશની વધુ ઝલક જોવા માટે ઉત્સુક છે, જ્યારે કેટલાક સની દેઓલને હનુમાનના રોલમાં જોવા માટે આતુર છે. ફિલ્મની ભવ્યતા અને વિઝ્યુઅલ્સને લઈને પણ ચર્ચા ચાલી રહી છે.

અમારી યુટ્યુબ ચેનલને લાઈક, શેર અને સબસ્ક્રાઈબ કરશો

हमारी यूट्यूब चैनल को लाइक, शेयर और सब्सक्राइब करे

Like, Share and Subscribe our YouTube channel

🔗 https://www.youtube.com/@oneindianewscom-Gujarat

🔗 https://www.youtube.com/@oneindianewscom