રવિવારે (1 ફેબ્રુઆરી) મધ્ય પ્રદેશના બૈતુલ જિલ્લાના દામજીપુરા વિસ્તારમાં એક ગંભીર અને સંવેદનશીલ ઘટનાએ ભારે તણાવ સર્જ્યો હતો. અહીં પંચરની દુકાન ચલાવતા અબુ ખાન નામના મુસ્લિમ શખ્સની પોલીસે ધરપકડ કરી છે. તેના પર આરોપ છે કે તેણે ગાય સાથે દુષ્કર્મ આચર્યું હતું, જેનો એક વિડીયો સોશિયલ મીડિયા પર વાયરલ થયો હતો. વિડીયો સામે આવતા જ વિસ્તારમાં ભારે રોષ ફાટી નીકળ્યો હતો અને હિંદુ સંગઠનોના કાર્યકરો રસ્તા પર ઉતરી આવ્યા હતા. પરિસ્થિતિ બગડતી જોઈને પોલીસ તાત્કાલિક ઘટનાસ્થળે પહોંચી અને કાયદો-વ્યવસ્થા કાબૂમાં લેવા માટે કાર્યવાહી કરી હતી.
#WATCH Betul, Madhya Pradesh: SP Virendra Jain said, "At 9 AM this morning, some leaders of a Hindu organisation filed a complaint at the Damjipura police outpost stating that an accused man named Abu Khan in Damjipura had raped a cow, and a Hindu boy had also made a video of the… pic.twitter.com/5yHAqx5erm
— ANI (@ANI) February 1, 2026
પોલીસ તપાસમાં સામે આવ્યું છે કે દુષ્કર્મનો ભોગ બનેલી ગાય આરોપીની પોતાની જ હતી. અબુ ખાન દામજીપુરા વિસ્તારમાં લાંબા સમયથી પંચરની દુકાન ચલાવતો હતો. ઘટનાની ગંભીરતાને ધ્યાનમાં રાખીને વિસ્તારમાં વધારાનો પોલીસ બંદોબસ્ત તહેનાત કરવામાં આવ્યો છે, જેથી કોઈ અણધારી સ્થિતિ ઊભી ન થાય. આ ઘટનાથી સ્થાનિક લોકોમાં ભારે આક્રોશ જોવા મળ્યો હતો.
પોલીસ અધિક્ષક વીરેન્દ્ર જૈને માહિતી આપતા જણાવ્યું કે દામજીપુરા પોલીસ ચોકીમાં હિંદુ સંગઠનના કેટલાક નેતાઓ દ્વારા ફરિયાદ નોંધાવવામાં આવી હતી. ફરિયાદમાં જણાવાયું હતું કે અબુ ખાન નામના વ્યક્તિએ ગાય સાથે દુષ્કર્મ આચર્યું છે અને તેની ઘટના અંગેનો વિડીયો પણ હાજર છે. ફરિયાદ મળતાની સાથે જ પોલીસે ઝડપી કાર્યવાહી કરી અને આરોપીની ધરપકડ કરી લીધી. એસપી જૈને વધુમાં જણાવ્યું કે આક્રોશિત ભીડ દ્વારા દામજીપુરા વિસ્તારમાં પાંચ જેટલી દુકાનોમાં આગ લગાવવાની ઘટનાઓ પણ બની હતી. હાલ સમગ્ર મામલે FIR નોંધી લેવામાં આવી છે અને પોલીસ દ્વારા આગળની કાયદેસર કાર્યવાહી હાથ ધરવામાં આવી રહી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
