ગુજરાતમાં શ્રમ, કૌશલ્ય વિકાસ અને રોજગારમાં ₹2,902 કરોડના બજેટનો પ્રસ્તાવ રજૂ કર્યો : મંત્રી કુંવરજીભાઇ બાવળીયા

મુખ્યમંત્રી ભૂપેન્દ્ર પટેલ અને નાયબ મુખ્યમંત્રી હર્ષ સંઘવીના નેતૃત્વમાં રાજ્ય સરકારે યુવાનોના કૌશલ્ય વર્ધન અને શ્રમિકોના સર્વાંગી કલ્યાણ માટે મક્કમ નિર્ધાર કર્યો છે.

Last updated: 2026/03/14 at 4:13 પી એમ(PM)

One India News Team

2 Min Read

ગુજરાત સરકારે શ્રમ, કૌશલ્ય વિકાસ અને રોજગાર વિભાગ માટે વર્ષ 2026-27માં ₹2,902 કરોડના બજેટની મંજૂરી આપી છે. ગ્રામ વિકાસ મંત્રી કુંવરજીભાઇ બાવળીયાએ વિધાનસભામાં પત્રકાર પરિષદમાં જણાવ્યું કે આ બજેટ વડાપ્રધાનના વિકસિત ભારત@2047 અને આત્મનિર્ભર ભારતના વિઝનને આગળ વધારવામાં મહત્વની ભૂમિકા ભજવશે. પત્રકાર પરિષદમાં ગ્રામ વિકાસ રાજ્ય મંત્રી સંજયસિંહ મહીડા, ગ્રામ વિકાસ સચિવ ધનંજય દ્વિવેદી, શ્રમ અને રોજગાર સચિવ લોચન સહેરા, નિયામક નીતિન સાંગવાન સહિત અન્ય ઉચ્ચ અધિકારીઓ હાજર રહ્યા.

Contents

નવી યોજનાઓ અને ફંડ ફાળવણીઓ:શ્રમિક કલ્યાણ યોજનાઓનું વિસ્તરણ:વિભાગની મહત્વની સિદ્ધિઓ:ભવિષ્યનું લક્ષ્ય:

નવી યોજનાઓ અને ફંડ ફાળવણીઓ:

નમો ગુજરાત કૌશલ્ય અને રોજગાર મિશન: યુવાનોની રોજગારક્ષમતા વધારવા ₹226 કરોડ ફાળવણી.
પી.એમ. સેતુ યોજના: ₹200 કરોડના ખર્ચે ITIને હબ-એન્ડ-સ્પોક મોડલમાં અપગ્રેડ કરવામાં આવશે.
નમો કૌશલ્ય લક્ષ્મી યોજના: વિદ્યાર્થીનીઓ માટે રૂ. 40 કરોડ ફાળવણી, 1 વર્ષના કોર્સ માટે ₹15,000 અને 2 વર્ષના કોર્સ માટે ₹24,000 સહાય.

શ્રમિક કલ્યાણ યોજનાઓનું વિસ્તરણ:

શ્રમિક અન્નપૂર્ણા યોજના: નવા 300 અન્નપૂર્ણા બુથ, રૂ. 200 કરોડ.
શ્રમિક બસેરા યોજના: બાંધકામ શ્રમિકોને રહેવાની સુવિધા માટે ₹150 કરોડ.
ધનવંતરી આરોગ્ય રથ: 50 નવા આરોગ્ય રથ, ₹160 કરોડ.
અકસ્માત વીમો: બાંધકામ શ્રમિકના મૃત્યુ/કાયમી અશક્તતાના કિસ્સામાં ₹3.5 લાખ.
અગરીયા આવાસ યોજના: મીઠાના અગરીયાઓ માટે ₹25 કરોડ.
સિલિકોસીસ રોગી સહાય: નિદાન ₹3 લાખ, મરણોત્તર ₹4 લાખ.

વિભાગની મહત્વની સિદ્ધિઓ:

રાજ્યમાં 559 ITIમાં કુલ 2,18,516 બેઠકો, જેમાં 11,448 મહિલાઓ અને 15 દિવ્યાંગ માટે વિશિષ્ટ ITI.
વર્ષ 2025-26 અંતર્ગત 1,215 ભરતીમેળા દ્વારા 2,60,878 ઉમેદવારોને રોજગારીની તકો.
ગુજરાતમાં બેરોજગારી દર માત્ર 1.1%, જે ભારતના 3.2% કરતાં ઓછો.
DGCA માન્ય 6 ડ્રોન પાઇલટ તાલીમ કેન્દ્ર, 600+ ડ્રોન પાઇલટ અને 1,200+ તાલીમાર્થીઓને તાલીમ.
મુખ્યમંત્રી સ્કીલ ડેવલપમેન્ટ ઇનિશિએટીવ હેઠળ વર્ષ 2025-26માં 4,27,861 તાલીમાર્થીઓ.
રાજ્યમાં માર્ચ 2025 અંતે 50,017 કારખાનાં નોંધાયેલા, ફેબ્રુઆરી 2026માં વધીને 51,033.
બોઇલર અને ઇકોનોમાઇઝરનું 8,447 બોઇલરો પ્રમાણિત, કોઈ અકસ્માત નોંધાયો નથી.