હિમાચલ પ્રદેશમાં છેલ્લા ઘણા દિવસોથી પૂર, વરસાદ અને ભૂસ્ખલનની ભયાનક તસવીરો સામે આવી રહી છે. અવિરત વરસાદને કારણે ઘણી જગ્યાએ ભૂસ્ખલન પણ થયું છે, જેમાં અનેક લોકો દટાયા છે, તો કેટલીક જગ્યાએ આખા મકાનો ધરાશાયી થયા છે. રાહત બચાવ કાર્ય ચાલુ છે પરંતુ હજુ પણ ઘણા લોકો લાપતા છે. દરમિયાન, વડાપ્રધાન નરેન્દ્ર મોદીએ રાજ્યની સ્થિતિ જાણવા માટે ગૃહ પ્રધાન અમિત શાહ અને જેપી નડ્ડા અને અન્ય નેતાઓ સાથે બેઠક કરી હતી.
હિમાચલની સ્થિતિને લઈને યોજાઈ બેઠક
પીએમ મોદીની અધ્યક્ષતામાં આ બેઠક લગભગ એક કલાક સુધી ચાલી હતી. સૂત્રોના જણાવ્યા અનુસાર, આ બેઠકમાં હિમાચલમાં વરસાદ અને ભૂસ્ખલનથી થયેલી તબાહી અંગે ચર્ચા થઈ હતી. આ બેઠકમાં રક્ષા મંત્રી રાજનાથ સિંહે પણ ભાગ લીધો હતો. બેઠકમાં રાજ્યની સ્થિતિ જાણવા ઉપરાંત રાજ્યમાં ચાલી રહેલી બચાવ કામગીરી અને ત્યાંના લોકોને રાહત આપવા અંગે ચર્ચા કરવામાં આવી હતી.
Bharatiya Janata Party National President JP Nadda will visit Himachal Pradesh on August 20 to take stock of the devastation caused by heavy rains and floods in the state.
(file photo) pic.twitter.com/zXplYxUsss
— ANI (@ANI) August 19, 2023
બીજેપી અધ્યક્ષ જેપી નડ્ડા પોતે રવિવારે હિમાચલની મુલાકાત લેશે અને પરિસ્થિતિનો તાગ મેળવશે. નડ્ડા શિમલા અને રાજ્યના અન્ય અસરગ્રસ્ત વિસ્તારોની મુલાકાત દરમિયાન નુકસાનની સમીક્ષા પણ કરશે. કુદરતી આફતના કારણે શુક્રવારે લગભગ 65 મકાનો ધરાશાયી થયા હતા અને 270થી વધુ મકાનોને નુકસાન થયું હતું.
છેલ્લા 4 દિવસમાં 74 લોકોના મોત
રાજ્યના કેટલાક વિસ્તારો વરસાદ અને ભૂસ્ખલનના કારણે ખરાબ રીતે પ્રભાવિત થયા છે. અહેવાલો અનુસાર, છેલ્લા ચાર દિવસમાં કુલ 74 લોકોએ જીવ ગુમાવ્યા છે. તે જ સમયે, હજુ પણ હજારો લોકોને બચાવવામાં આવી રહ્યા છે. જો આપણે જૂનથી અત્યાર સુધીના આંકડાઓ પર નજર કરીએ તો કુદરતી આફતોના કારણે 330 થી વધુ લોકોએ જીવ ગુમાવ્યા છે. હવામાન વિભાગે હાલમાં રાહતના કોઈ સંકેત આપ્યા નથી. IMDએ હિમાચલના ઘણા જિલ્લાઓમાં યલો એલર્ટ પણ જાહેર કર્યું છે.
હિમાચલ પ્રદેશની સ્થિતિ જાણવા માટે પીએમ મોદીના નેતૃત્વમાં ચાલી રહેલી બેઠક પૂર્ણ થઈ છે. એક કલાકથી વધુ ચાલેલી આ બેઠકમાં રાજનાથ સિંહની સાથે બીજેપી અધ્યક્ષ નડ્ડા પણ સામેલ થયા હતા. રવિવારે નડ્ડા પોતે હિમાચલ પ્રદેશ જશે અને રાજ્યની સમીક્ષા કરશે
