ગુજરાતના મુખ્યમંત્રી ભુપેન્દ્ર પટેલએ ગાંધીનગરમાં ઝિમ્બાબ્વેના એમ્બેસેડર સ્ટેલા નકોમો અને ઇન્ડસ્ટ્રી એન્ડ કોમર્સ ડેપ્યુટી મિનિસ્ટર રાજેન્દ્ર કુમાર મોદી સહિતના ડેલિગેશનને આવકાર આપ્યો. આ મુલાકાત દરમિયાન, ડેલિગેશન અમદાવાદમાં તા. 11 થી 15 ફેબ્રુઆરી દરમિયાન યોજાનારી સૌરાષ્ટ્ર વેપાર ઉદ્યોગ મંડળના 12મા ટ્રેડશોમાં સહભાગી થવા ગુજરાત પહોંચ્યા હતા.
MSME સેક્ટરમાં તજજ્ઞતા અને સહયોગ પર ફળદાયી ચર્ચા
ભુપેન્દ્ર પટેલ અને ઝિમ્બાબ્વે ડેલિગેશન વચ્ચે યોજેલી ચર્ચામાં ઝિમ્બાબ્વેના સ્મોલ અને મિડીયમ એન્ટરપ્રાઇઝ (SME) સેક્ટર અને ગુજરાતના MSME સેક્ટર વચ્ચે સહયોગ અને સ્કીલ ડેવલપમેન્ટ પર ધ્યાન કેન્દ્રિત કરાયું.
ઝિમ્બાબ્વેના એમ્બેસેડર અને ડેપ્યુટી મિનિસ્ટરે જણાવ્યું કે, ગુજરાત મેન્યુફેક્ચરિંગ હબ, ઓટો હબ અને સેમિકન્ડક્ટર હબ તરીકે ઉભરતો જોવા મળી રહ્યો છે અને MSME સેક્ટરમાં પણ અગ્રેસર છે. તેઓ આ તકનો લાભ લેવા ઉત્સુક છે.
મુખ્યમંત્રી ભૂપેન્દ્ર પટેલે ગુજરાતના MSME ક્ષેત્રની નિષ્ણાતી, ટ્રેનિંગ અને ટેકનોલોજી સુસંગતતા ઝિમ્બાબ્વે સુધી પહોંચાડવા માટે તત્પરતા વ્યક્ત કરી. તેમણે સૂચન કર્યું કે, ટ્રેનિંગ, સ્કિલ ડેવલપમેન્ટ અને ઇન્ડસ્ટ્રીયલ કોલાબોરેશન દ્વારા બંને રાજ્યના SME ઉદ્યોગકારો માટે ફાયદાકારક વાતાવરણ ઉભું કરી શકાય.
Pleased to meet the Zimbabwean Ambassador to India, Nepal, Sri Lanka and Maldives, Ms. Stella Nkomo, Deputy Minister for Industry & Commerce Shri Rajendra Kumar Modi, and the delegation in Gandhinagar.
We had productive discussions on leveraging Gujarat’s MSME expertise,… pic.twitter.com/e24FkAUC7h
— Bhupendra Patel (@Bhupendrapbjp) February 13, 2026
એજ્યુકેશન અને સુરક્ષા ક્ષેત્રમાં પણ સહયોગની સંભાવના
ઝિમ્બાબ્વે ડેલિગેશને ઉદ્યોગ અને વેપાર સિવાય એજ્યુકેશન સેક્ટરમાં પણ ગુજરાત સાથે સહયોગ વધારવા ઇચ્છા દર્શાવી. તેમણે ગાંધીનગરની NFSU (National Forensic Sciences University)માં સાયબર ક્રાઈમ, સિક્યુરિટી અને પોલિસિંગ સંબંધિત કોર્સોમાં ઝિમ્બાબ્વેના અધિકારીઓને જોડાવાનું ઉલ્લેખ કર્યું.
મુખ્યમંત્રી ભૂપેન્દ્ર પટેલે તેમને વાઇબ્રન્ટ સમિટ-2027 અને વાયબ્રન્ટ ગુજરાત રિજનલ કોન્ફરન્સમાં ભાગ લેવા આમંત્રણ આપ્યું, જે બંને રાજ્યોના સંબંધો અને વેપાર, એજ્યુકેશન ક્ષેત્રના સહયોગને મજબૂત બનાવશે.
SME એક્ઝિબિશન અને ટેકનોલોજી ટ્રાન્સફર
ઝિમ્બાબ્વેના એમ્બેસેડર અને ડેપ્યુટી મિનિસ્ટરે માર્ચ 2026માં ઝિમ્બાબ્વેના SME એક્ઝિબિશનમાં ગુજરાતના MSME ઉદ્યોગકારો અને રાજ્ય સરકારના અધિકારીઓને જોડાવા આમંત્રણ આપ્યું. આ સહયોગથી નવા ટેકનોલોજી સુસંગત ઉદ્યોગ વિકાસ, ટ્રેનિંગ, અને બંને રાજ્યોના SME સેક્ટરમાં પારસ્પરિક લાભની તકો વધશે.
ડેલિગેશન અને મુખ્યમંત્રી વચ્ચેની આ બેઠકનું મુખ્ય ઉદ્દેશ વ્યાપાર, MSME, ટેકનોલોજી અને સ્કિલ ડેવલપમેન્ટ ક્ષેત્રમાં મજબૂત સહયોગ સ્થાપિત કરવું હતું.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
