કોંગ્રેસના પૂર્વ નેતા અને પૂર્વ કેન્દ્રીય મંત્રી શકીલ અહેમદે પાર્ટી સામે ગંભીર આરોપ લગાવતા રાજકીય વર્તુળોમાં ખળભળાટ મચાવી દીધો છે. રાહુલ ગાંધી વિશે કરેલી ટિપ્પણીઓ બાદ પોતાના જીવને જોખમ હોવાનું જણાવતાં તેમણે દાવો કર્યો છે કે કોંગ્રેસના જ કેટલાક નેતાઓએ તેમના પર હુમલો કરાવવાનો આદેશ આપ્યો છે.
શકીલ અહેમદે તાજેતરમાં રાહુલ ગાંધીને ‘ડરપોક’ અને ‘અસુરક્ષિત નેતા’ ગણાવ્યા હતા, ત્યારબાદ પાર્ટીની અંદર ભારે અસંતોષ ફેલાયો હતો. હવે તેમણે X પર પોસ્ટ કરીને કહ્યું છે કે કોંગ્રેસના રાષ્ટ્રીય નેતૃત્વે બિહાર કોંગ્રેસ અને યુવા કોંગ્રેસને 27 જાન્યુઆરીએ પટના અને મધુબની સ્થિત તેમના નિવાસસ્થાનો પર પુતળા દહનના બહાને હુમલો કરવાનો નિર્દેશ આપ્યો છે. તેમણે આને લોકશાહી મૂલ્યો સામેનું પગલું ગણાવ્યું છે.
अभी अभी काँग्रेस के कुछ साथियों ने गुप्त रूप से मुझे ख़बर किया है कि काँग्रेस के राष्ट्रीय नेतृत्व ने बिहार कांग्रेस / युवा काँग्रेस को यह आदेश दिया है कि कल दिनांक 27 जनवरी को पुतला दहन के बहाने मेरे पटना और मधुबनी निवास पर आक्रमण किया जाय।
यह जनतंत्र के सिद्धांत के ख़िलाफ़ है।— Dr Shakeel Ahmad (@Ahmad_Shakeel) January 26, 2026
શકીલ અહેમદે પોતાની વાતને સમર્થન આપવા વ્હોટ્સએપ ચેટનો એક સ્ક્રીનશોટ પણ શેર કર્યો છે, જેમાં રાહુલ ગાંધી વિરુદ્ધ નિવેદનો બદલ તેમના પુતળા દહન કરવાની સૂચનાઓ હોવાનો દાવો કરવામાં આવ્યો છે. આ સ્ક્રીનશોટ શેર કરતાં તેમણે સવાલ ઉઠાવ્યો હતો કે શું આ બધું રાહુલ ગાંધીની જાણ અને મંજૂરી વિના થઈ રહ્યું છે? ઉલ્લેખનીય છે કે શકીલ અહેમદ બિહારમાં ત્રણ વખત ધારાસભ્ય અને બે વખત સાંસદ રહી ચૂક્યા છે અને 2025ની બિહાર વિધાનસભા ચૂંટણી બાદ તેમણે કોંગ્રેસ છોડી દીધી હતી.
अब तो मेरी जानकारी बिल्कुल सही साबित हुई। काँग्रेस के पुराने साथियों का बहुत धन्यवाद।
हमारे बिहार में एक कहावत कि
पुराने दोस्त ही काम आते हैं।
क्या यह राहुल जी के आदेश के बिना हो रहा है? pic.twitter.com/qtgBCemfH4— Dr Shakeel Ahmad (@Ahmad_Shakeel) January 26, 2026
તાજેતરમાં તેઓ રાહુલ ગાંધી પર સતત આકરા પ્રહારો કરી રહ્યા છે. બીજી તરફ, કોંગ્રેસ તરફથી પ્રતિક્રિયા આપતાં નેતા મનિકમ ટાગોરે શકીલ અહેમદને ‘ગદ્દાર’ અને ‘જયચંદ’ કહીને નિંદા કરી છે અને આરોપ લગાવ્યો છે કે તેઓ માત્ર ટીવી ડિબેટ્સ અને નવા રાજકીય લાભ માટે આવા નિવેદનો આપી રહ્યા છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
