Ahmedabadમાં ડ્રગ્સના કાળા કારોબાર સામે કડક કાર્યવાહી કરતાં સ્પેશિયલ કોર્ટે એક મહત્વપૂર્ણ ચુકાદો આપ્યો છે. વર્ષ 2021માં નશાકારક પદાર્થો સાથે ઝડપાયેલા આરોપી ચીમન સોલંકીને કોર્ટે દોષિત જાહેર કરીને 15 વર્ષની સખત કેદ અને ₹2 લાખનો દંડ ફટકાર્યો છે.
આ કેસમાં સરકાર પક્ષ તરફથી વકીલ દિલીપ ઠાકોરે મજબૂત દલીલો રજૂ કરી હતી, જેને કોર્ટએ માન્ય રાખતાં આરોપીને કડક સજા સંભળાવી હતી. આ ચુકાદાથી કોર્ટએ સ્પષ્ટ સંદેશ આપ્યો છે કે નશાના કારોબારમાં સંડોવાયેલા લોકોને કોઈ પણ સંજોગોમાં છોડવામાં નહીં આવે.
2021માં નારોલ વિસ્તારમાંથી ધરપકડ
કેસની વિગતો મુજબ, 3 એપ્રિલ 2021ના રોજ અમદાવાદના Narol વિસ્તારમાંથી આરોપી ચીમન સોલંકીને નશાકારક પદાર્થો સાથે ઝડપવામાં આવ્યો હતો.
પોલીસે આ મામલે Narcotic Drugs and Psychotropic Substances Act (NDPS Act) હેઠળ ગુનો નોંધ્યો હતો અને તપાસ હાથ ધરી હતી.
કોર્ટમાં મજબૂત પુરાવા રજૂ
કેસની સુનાવણી દરમિયાન સરકારી વકીલ દિલીપ ઠાકોરે 15થી વધુ દસ્તાવેજી પુરાવા અને સાક્ષીઓની મહત્વપૂર્ણ જુબાનીઓ કોર્ટ સમક્ષ રજૂ કરી હતી. આ તમામ પુરાવાઓના આધારે કોર્ટે આરોપીને દોષિત ઠેરવ્યો હતો.
યુવા પેઢીને બચાવવા કડક સજા
કોર્ટે પોતાના અવલોકનમાં જણાવ્યું હતું કે ડ્રગ્સ જેવી બદી યુવા પેઢીને બરબાદ કરી રહી છે, તેથી સમાજમાં દાખલો બેસાડવા માટે આવા ગુનાઓમાં સંડોવાયેલા દોષિતોને કડક સજા આપવી જરૂરી છે.
કોર્ટે આરોપીને 15 વર્ષની જેલ સજા સાથે ₹2 લાખનો દંડ ફટકાર્યો છે. જો આરોપી દંડ નહીં ભરે તો તેને વધારાની સજા પણ ભોગવવી પડશે.
અમારી યુટ્યુબ ચેનલને લાઈક કરો, શેર કરો અને સબસ્ક્રાઈબ કરો
Like, Share and Subscribe our YouTube channel
