મુખ્યમંત્રી ભૂપેન્દ્ર પટેલે અમદાવાદ ખાતે આયોજિત કોન્ફેડરેશન ઓફ ઇન્ડિયન ઇન્ડસ્ટ્રી (CII) ગુજરાત વાર્ષિક અધિવેશન અને ‘ગુજરાત @$1 ટ્રિલિયન ઇકોનોમી’ વિષયક પરિષદમાં સંબોધન કરતાં જણાવ્યું કે, ગુજરાત 2030 સુધી 1 ટ્રિલિયન ડોલરનું અર્થતંત્ર બનવા માટે સંપૂર્ણ રીતે સજ્જ છે. મુખ્યમંત્રીએ ઉદ્યોગકારોને આશ્વાસન આપ્યું કે રાજ્ય સરકાર ઉદ્યોગોના વિકાસ અને સહયોગ માટે તમામ જરૂરી સપોર્ટ પૂરો પાડશે.
સમગ્ર રાજ્યના સર્વગ્રાહી વિકાસ પર ભાર
મુખ્યમંત્રી ભૂતકાળની વાત યાદ કરતાં કહે છે કે, એક સમયે ગુજરાતનો વિકાસ માત્ર વાપી-વડોદરા બેલ્ટ સુધી મર્યાદિત હતો. પરંતુ પ્રધાનમંત્રી નરેન્દ્ર મોદીના દ્રઢ નેતૃત્વ હેઠળ સમગ્ર રાજ્યનો સર્વગ્રાહી વિકાસ કરવામાં આવ્યો છે. તેઓએ જણાવ્યું કે, ઈન્ફ્રાસ્ટ્રક્ચર, પાણી અને વીજળી જેવા માળખાકીય વિકાસને મજબૂત બનાવવાના પગલાં લીધા છે, જે વિકાસ માટેના મૂળભૂત પાયો છે.
Participated in the Annual Meeting session of Confederation of Indian Industry (CII) – Gujarat and had an engaging interaction with the industry leaders on ‘Gujarat @ $1 Trillion Economy by 2030’.
Under the visionary leadership of Hon’ble Prime Minister Narendra Modi Ji,… pic.twitter.com/Ijl521Yoxk
— Bhupendra Patel (@Bhupendrapbjp) March 20, 2026
ઉદ્યોગ અને વૈશ્વિક રોકાણકર્તાઓ માટે ગુજરાતનું મહત્વ
CII પરિષદમાં મુખ્યમંત્રી એ માઈક્રોન ટેકનોલોજીના ઉદાહરણ સાથે કહ્યું કે, ગુજરાતમાં સેમીકન્ડક્ટર અને અન્ય આધુનિક ઇન્ડસ્ટ્રીઝનો વિકાસ શક્ય બન્યો છે. ગુજરાત દેશની 5% વસ્તી હોવા છતાં જીડીપીમાં 8% યોગદાન આપે છે, ઉત્પાદનમાં 17% હિસ્સો ધરાવે છે અને exportમાં 33% હિસ્સો આપે છે. MSMEના ક્ષેત્રે 2001-02ની 1.85 લાખ એન્ટરપ્રાઇઝ આજ સુધી 27.9 લાખ થઈ ગઇ છે. લોજિસ્ટિક્સમાં, દેશના કુલ કાર્ગો હેન્ડલિંગમાં 40% હિસ્સો ગુજરાતનું છે.
સેક્ટરવાઈઝ સફળતા અને નીતિ આધારિત વિકાસ
મુખ્યમંત્રીએ કહ્યું કે, ગુજરાત ‘પોલિસી ડ્રિવન સ્ટેટ’ છે, જ્યાં ઉદ્યોગકારોને દરેક તબક્કે સ્પષ્ટતા અને ટેકનિકલ સહાય મળે છે. રસાયણોમાં 33%, ફાર્મા નિકાસમાં 19.2% અને હીરા નિકાસમાં 80% હિસ્સો ગુજરાતનો છે. ગુજરાતે 2047 સુધીના ‘વિકસિત ભારત’ માટે રોડમેપ તૈયાર કરી લીધો છે અને તેને જમીન પર અમલમાં મૂકવાનું કાર્ય પણ શરૂ થઈ ગયું છે.
LIVE: CII Gujarat એન્યુઅલ મિટિંગ અને Gujarat @ $1 Trillion Economy by 2030 કોન્ફરન્સ કાર્યક્રમમાં અમદાવાદ ખાતે ઉપસ્થિતિ. https://t.co/Y1GyiuNpNr
— Bhupendra Patel (@Bhupendrapbjp) March 20, 2026
ઉદ્યોગ જગત અને CIIના પ્રતિનિધિોની હાજરી
આ કાર્યક્રમમાં CII વેસ્ટર્ન રીઝનના ચેરમેન ઋષિકુમાર બાગલા, CII ગુજરાતના ચેરમેન પ્રેમરાજ કશ્યપ, માઈક્રોન ટેકનોલોજાના સિનિયર વાઈસ પ્રેસિડન્ટ ગુરુશરણ સિંહ અને ઉદ્યોગ જગતના અગ્રણીઓ ઉપસ્થિત રહ્યા હતા. મુખ્યમંત્રીના સંબોધન દ્વારા ઉદ્યોગકારોને ગજબની પ્રેરણા મળી અને રાજ્યના વૈશ્વિક અર્થતંત્રમાં પરિવર્તન માટેની દ્રઢ નીતિઓનું પરિચય કરાયું.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
