મધ્ય પૂર્વમાં ફરી તણાવની સ્થિતિ સર્જાઈ છે. યુનાઇટેડ આરબ અમીરાતમાંથી પાકિસ્તાન તરફ જઈ રહેલા એક જહાજને ઈરાનએ સ્ટ્રેટ ઑફ હોર્મુઝમાંથી પરત મોકલી આપ્યું છે. ઈરાનના અધિકારીઓએ કારણ આપ્યું કે જહાજ પાસે આ માર્ગ પરથી પસાર થવાની જરૂરી પરવાનગી નહોતી અને તેણે જરૂરી કાયદાકીય પ્રોટોકોલનું પાલન કર્યું નહોતું.
મીડિયા અહેવાલો મુજબ, આ જહાજ 23 માર્ચે શારજાહમાંથી નીકળીને કરાંચી તરફ જઈ રહ્યું હતું. આ રૂટ માટે સ્ટ્રેટ ઑફ હોર્મુઝમાંથી પસાર થવું અનિવાર્ય છે. પરંતુ રસ્તામાં જ IRGC નેવીએ તેને અટકાવી દીધું અને પરત ફરવા સૂચના આપી.
Iran authorities say they have turned back vessel Selen bound for Karachi, Pakistan since it did not have approval to pass Hormuz https://t.co/Zumr5GrD6i pic.twitter.com/ghMAJkO0LX
— Sidhant Sibal (@sidhant) March 25, 2026
પરવાનગી અને પ્રોટોકોલનો મુદ્દો
ઈરાનના અધિકારીઓએ જણાવ્યું કે જહાજ પાસે જરૂરી મંજૂરી નહોતી અને તે મેરિટાઇમ નિયમોનું પાલન કરી રહ્યું નહોતું. સાથે જ સ્પષ્ટ કરવામાં આવ્યું કે હોર્મુઝ સ્ટ્રેટમાંથી પસાર થતા તમામ જહાજોએ ઈરાનની મેરિટાઇમ ઓથોરિટી સાથે સતત સંપર્કમાં રહેવું ફરજિયાત છે.
કેટલાક અહેવાલો અનુસાર, ઈરાન હવે આ મહત્વપૂર્ણ દરિયાઈ માર્ગ પરથી પસાર થતા કેટલાક કમર્શિયલ જહાજો પાસેથી ચાર્જ વસૂલવાનું પણ શરૂ કરી રહ્યું છે, જેને કારણે વૈશ્વિક વેપાર પર અસર પડી શકે છે.
ભારતીય જહાજોને કોઈ અસર નહીં
બીજી તરફ, આ જ માર્ગ પરથી ભારતના અનેક ટેન્કરો LPG અને ક્રૂડ ઓઇલ લઈને સુરક્ષિત રીતે પસાર થઈ ચૂક્યા છે. મહત્વની વાત એ છે કે ઈરાન દ્વારા ભારતીય જહાજો પાસેથી કોઈ પ્રકારનો ચાર્જ વસૂલવામાં આવ્યો નથી.
હાલમાં પણ કેટલાક ભારતીય જહાજો હોર્મુઝ સ્ટ્રેટમાંથી પસાર થઈ રહ્યા છે અને પરિસ્થિતિ સંપૂર્ણપણે નિયંત્રણમાં હોવાનું માનવામાં આવે છે.
સ્ટ્રેટ ઑફ હોર્મુઝ વૈશ્વિક તેલ પરિવહન માટે અત્યંત મહત્વપૂર્ણ માર્ગ છે. આવા બનાવો મધ્ય પૂર્વના જીઓ-પોલિટિકલ તણાવને વધુ ઉકેલી શકે છે. હાલ આ ઘટનાને લઈને આંતરરાષ્ટ્રીય સ્તરે પણ નજર રાખવામાં આવી રહી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
