છત્તીસગઢના બિજાપુર જિલ્લામાં 26 જાન્યુઆરીએ ભારતીય સેનાના નક્સલ વિરોધી ઓપરેશન દરમિયાન છ જેટલા IED વિસ્ફોટ થતાં કુલ 11 જવાન ઘાયલ થયા હતા, જેમને તાત્કાલિક હેલિકોપ્ટર મારફતે રાયપુર એરલિફ્ટ કરવામાં આવ્યા હતા. આ ઘટના છત્તીસગઢ–તેલંગાણા સરહદ નજીક આવેલા અતિ દુર્ગમ કરેગુટ્ટા પહાડી વિસ્તારમાં બની હતી, જ્યાં સુરક્ષા દળોને ગુપ્ત માહિતી મળી હતી કે પ્રતિબંધિત CPI (માઓવાદી)ની સશસ્ત્ર પાંખ પીપલ્સ લિબરેશન ગેરિલા આર્મી (PLGA)ની બટાલિયન નંબર-1 અહીં છુપાયેલી છે અને વિસ્તારમાં 100થી વધુ સશસ્ત્ર નક્સલવાદીઓ હાજર હોવાની શક્યતા છે.
આ માહિતીના આધારે ડિસ્ટ્રિક્ટ રિઝર્વ ગાર્ડ (DRG) અને CRPFની વિશેષ CoBRA યુનિટ દ્વારા પ્રજાસત્તાક પર્વની પૂર્વસંધ્યાએ સંયુક્ત સર્ચ ઓપરેશન હાથ ધરાયું હતું. ઓપરેશન દરમિયાન નક્સલોએ સુરક્ષા દળોને નિશાન બનાવી લગાવેલા IED વિસ્ફોટ થયા, જેમાં ઘાયલ થયેલા 11 જવાનોમાંથી 10 DRGના છે જ્યારે એક CoBRA બટાલિયનના સબ-ઇન્સ્પેક્ટર છે.
Bijapur, Chhattisgarh | 11 security personnel injured in multiple IED blasts which took place at Karregutta Hills in Bijapur District yesterday. All were evacuated and airlifted to Raipur for better treatment yesterday. Conditions of all are stable: Bijapur Police
— ANI (@ANI) January 26, 2026
આ પૈકી ત્રણ જવાનોને પગમાં ગંભીર ઈજાઓ પહોંચી છે અને અન્ય ત્રણ જવાનોની આંખોમાં વિસ્ફોટના સ્પ્લિન્ટર્સ વાગ્યા છે. પહાડોથી ઘેરાયેલો અને અત્યંત મુશ્કેલ વિસ્તાર હોવા છતાં સુરક્ષા દળોએ તમામ ઘાયલ જવાનોને સુરક્ષિત રીતે બહાર કાઢી રાયપુર પહોંચાડ્યા હતા. પોલીસ અધિકારીઓએ જણાવ્યું છે કે હાલ તમામ જવાનોની સ્થિતિ સ્થિર છે અને તેઓ જોખમ બહાર છે. નોંધનીય છે કે વર્ષ 2026ની શરૂઆતથી અત્યાર સુધી 20 નક્સલ ઠાર મારાયા છે, જ્યારે વર્ષ 2024 અને 2025 દરમિયાન કુલ 500થી વધુ નક્સલ માર્યા ગયા હતા, જેમાં સૌથી વધુ ઓપરેશન છત્તીસગઢના બિજાપુર જિલ્લામાં જ થયા છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
