બિહારના વરિષ્ઠ નેતા અને મુખ્યમંત્રી નીતિશ કુમાર એ આજે રાજ્યસભાના સભ્ય તરીકે શપથ લઈને પોતાની નવી સંસદીય ઇનિંગની શરૂઆત કરી છે. સંસદ ભવનમાં રાજ્યસભાના સભાપતિ સી.પી. રાધાકૃષ્ણનએ તેમને શપથ લેવડાવી હતી. શપથ વિધિ પહેલા તેમણે જે.પી. નડ્ડા સાથે મહત્વપૂર્ણ મુલાકાત કરી હતી, જેને રાજકીય રીતે મહત્વપૂર્ણ માનવામાં આવી રહી છે.
ચારેય ગૃહોના સભ્ય બની બનાવ્યો રેકોર્ડ
રાજ્યસભાના સાંસદ બનતા જ નીતિશ કુમાર એ એક અનોખો રેકોર્ડ બનાવ્યો છે. તેઓ હવે એવા દુર્લભ નેતાઓમાં સામેલ થયા છે, જેમણે વિધાનસભા, લોકસભા, વિધાનપરિષદ અને રાજ્યસભા—ચારેય ગૃહોમાં સભ્ય તરીકે સેવા આપી છે.
नीतीश कुमार ने ली राज्यसभा सदस्य की शपथ. चारों सदनों में जाने वाले बिहार के दूसरे सीएम बने. #NitishKumar #RajyaSabha #BiharCM #NitishSwearingIn #BiharPolitics
[ Nitish Kumar, Rajya Sabha Oath, Bihar Chief Minister, State Sabha Member, Bihar Politics ] pic.twitter.com/CTs03jJUb1
— One India News (@oneindianewscom) April 10, 2026
પટના પરત ફરશે, રાજીનામાની શક્યતા
નીતીશ કુમાર આજે સાંજે જ પટના પરત ફરવાના છે. રાજકીય સૂત્રો મુજબ, તેઓ ટૂંક સમયમાં મુખ્યમંત્રી પદેથી રાજીનામું આપી શકે છે, જેના કારણે બિહારની રાજનીતિમાં મોટો ફેરફાર જોવા મળી શકે છે.
નવા મુખ્યમંત્રીને લઈને સસ્પેન્સ
બિહારમાં હવે નવા મુખ્યમંત્રી કોણ બનશે તે અંગે ચર્ચાઓ તેજ બની છે. આ મુદ્દે BJP એ દિલ્હીમાં કોર ગ્રુપની બેઠક બોલાવી છે. આ દરમિયાન પટનામાં સમ્રાટ ચૌધરીના સમર્થનમાં પોસ્ટરો લાગતા રાજકીય ગરમાવો વધી ગયો છે.
સાથે જ વિજય કુમાર સિન્હાનું નામ પણ મુખ્યમંત્રી પદ માટે ચર્ચામાં છે. માનવામાં આવે છે કે ભાજપ 14 એપ્રિલે અંતિમ નિર્ણય લઈ શકે છે.
‘નીતીશ મોડલ’ ચાલુ રહેશે
વરિષ્ઠ મંત્રી વિજય ચૌધરી એ સ્પષ્ટ કર્યું છે કે નવી સરકાર પણ ‘નીતીશ મોડલ’ પર જ કામ કરશે, એટલે કે વિકાસ અને સુશાસનના એજન્ડાને આગળ વધારવામાં આવશે.
દિલ્હી-પટના વચ્ચેની રાજકીય સફર
નીતીશ કુમારની રાજકીય સફર ખૂબ જ રસપ્રદ રહી છે.
- 2005માં, તેઓ લોકસભાના સાંસદ હતા અને અટલ બિહાર વાજપેયીની સરકારમાં રેલવે મંત્રી તરીકે સેવા આપી હતી। 24 નવેમ્બર 2005ના રોજ તેઓ બિહારના મુખ્યમંત્રી બન્યા હતા.
- 2026માં, 10મી વખત મુખ્યમંત્રી બન્યા બાદ માત્ર ચાર મહિનામાં જ તેઓ રાજ્યસભા મારફતે ફરી દિલ્હી પહોંચ્યા છે, જે તેમના રાજકીય જીવનમાં એક નવો વળાંક દર્શાવે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
