ઈઝરાયલ અને ગાઝા પટ્ટીમાં સંચાલિત હમાસ સંગઠન વચ્ચેના યુદ્ધમાં ચારેકોર વિનાશ અને મૃત્યુનો ખડકલો સર્જાયો છે. ઈઝરાયલના અત્યાર સુધી 1200થી વધુ લોકો તો ગાઝામાં પણ હજારો લોકોના મોત થયા છે. આ દરમિયાન દુનિયાના મોટાભાગના દેશોએ ઈઝરાયલને સમર્થન આપ્યું છે અને હમાસના આતંકી હુમલાની ટીકા કરી હતી. દરમિયાન ભારત તરફથી જે સમર્થન મળ્યું તેને લઈને ઈઝરાયલ તરફથી પ્રતિક્રિયા આવી છે. જે ચર્ચાનો વિષય બની ગઇ છે.
धन्यवाद भारत! 🙏
आप सब से पिछले 4 दिन में मिले अटूट प्यार और समर्थन से हम अभिभूत हैं।हम आपको बताना चाहते हैं कि हम आप सब को व्यक्तिगत रूप से चाहे जवाब न दे पा रहे हों पर हम आपके स्नेह और समर्थन पूर्ण सब संदेशों को पढ़ रहे हैं।
आतंकवाद से इस लड़ाई में हम जरूर जीतेंगे।🇮🇱… pic.twitter.com/0rO8Kenoe1
— Israel in India (@IsraelinIndia) October 11, 2023
ઈઝરાયલનું વાયરલ ટ્વિટ
ભારતે હમાસ વિરુદ્ધ યુદ્ધમાં ઈઝરાયલને દૃઢ સમર્થનનો વાયદો કર્યો હતો. આ દરમિયાન ભારતમાં આવેલા ઈઝરાયલી દૂતાવાસે એક મેસેજ આપ્યો છે જે વાયરલ થઈ રહ્યો છે. તેમાં ટ્વિટર પર લખવામાં આવ્યું છે કે આભાર ભારત! તમારા તરફથી છેલ્લા 4 દિવસમાં મળેલાં અતૂટ પ્રેમ અને સમર્થનથી અમે અભિભૂત છીએ. અમે તમને જણાવવા માગીએ છીએ કે અમે આપ સૌને વ્યક્તિગત રીતે ભલે જવાબ ન આપી શકીએ પણ તમારા સ્નેહ અને સમર્થન દર્શાવતા સંદેશાને અમે વાંચી રહ્યા છીએ. આતંકવાદ સામેની આ લડાઈમાં અમે જરૂર જીતીશું.
אני מודה לראש הממשלה @netanyahu על שיחת הטלפון וקבלת עדכונים שוטפים על המצב. העם ההודי עומד לצידה של ישראל בשעה קשה זו. הודו מגנה בחריפות ובאופן חד משמעי את הטרור על כל צורותיו והיבטיו. https://t.co/Yfpi1ix29Y
— India in Israel (@indemtel) October 10, 2023
લેબેનોન સાથે પણ સંઘર્ષ શરૂ
બીજી બાજુ લેબેનોનની સરહદે પણ ઈઝરાયલે ગોલન હાઈટ્સમાં ઈઝરાયલી ટેન્ક તહેનાત કરી દીધા છે. મંગળવારે દક્ષિણ લેબેનોન તરફથી ઈઝરાયલ પર રોકેટ હુમલા કરાયા હતા. જેના બાદ ઈઝરાયલે હિઝબુલ્લાહના ઠેકાણાઓને પણ નિશાન બનાવીને જવાબી કાર્યવાહી કરી હતી.
