તાજેતરમાં વડા પ્રધાન નરેન્દ્ર મોદીએ વેનેઝુએલાનાં કાર્યકારી રાષ્ટ્રપતિ ડેલ્સી રોડ્રિગ્ઝ સાથે ટેલિફોન પર વાતચીત કરી હતી, જેમાં બંને નેતાઓએ ભારત–વેનેઝુએલા વચ્ચેના દ્વિપક્ષીય સંબંધોને વધુ મજબૂત બનાવવા અને વિવિધ ક્ષેત્રોમાં સહયોગ વધારવા પર ચર્ચા કરી. આ સંવાદ દરમિયાન ઊર્જા, વેપાર અને રોકાણ જેવા મહત્વના ક્ષેત્રોમાં ભાગીદારી ગાઢ બનાવવા માટે વિસ્તૃત ચર્ચા થઈ હતી. PM મોદીએ સોશિયલ મીડિયા પ્લેટફોર્મ ‘X’ પર લખ્યું કે ભારત વેનેઝુએલા સાથેના તેના લાંબાગાળાના સંબંધોને ખૂબ મહત્વ આપે છે અને બંને દેશો આવનારા વર્ષોમાં આ ભાગીદારીને નવી ઊંચાઈઓ પર લઇ જવાના સહિયારા વિઝન (દ્રષ્ટિકોણ) સાથે આગળ વધશે.
Spoke with Acting President of Venezuela, Ms. Delcy Rodríguez. We agreed to further deepen and expand our bilateral partnership in all areas, with a shared vision of taking India-Venezuela relations to new heights in the years ahead. @delcyrodriguezv
— Narendra Modi (@narendramodi) January 30, 2026
વેનેઝુએલામાં વિશ્વનો સૌથી મોટો તેલ ભંડાર હોવાથી ભારતીય કંપનીઓ, ખાસ કરીને ONGC વિદેશ લિમિટેડ (OVL), ત્યાં ઊર્જા ક્ષેત્રમાં રોકાણ ધરાવે છે. વાતચીતમાં ઊર્જા સુરક્ષા અને અટકેલા પ્રોજેક્ટ્સને વેગ આપવા પર ભાર મુકાયો હતો. આ ઉચ્ચ સ્તરીય સંવાદ બાદ વેનેઝુએલામાં અટકેલા ભારતીય રોકાણ પર વળતર મળવાની શક્યતા વધી છે, જેના અંદાજ પ્રમાણે ભારતને લગભગ $580 મિલિયન (સાડી 4,800 કરોડ રૂપિયા) જેટલું ડિવિડન્ડ પેઆઉટ મળી શકે છે, જે લાંબા સમયથી બાકી હતું.
વેનેઝુએલામાં ચાલી રહેલી રાજકીય અસ્થિરતા વચ્ચે, વડા પ્રધાન મોદીની આ પહેલથી ભારતીય કંપનીઓના આર્થિક હિતોને સુરક્ષિત કરવામાં મદદ મળશે અને બંને દેશો વચ્ચે વેપારના નવા દ્વાર ખુલશે. આ ટેલિફોનિક વાતચીત દ્વારા ઊર્જા, વેપાર અને રોકાણ ક્ષેત્રોમાં ભારત-વેનેઝુએલાના સંબંધોને નવી દિશા આપવામાં આવી છે, જે વ્યૂહાત્મક અને લાંબા ગાળાના હિતો માટે મહત્વપૂર્ણ છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
