સાધુ સંતોની સાથે જ રાજનેતા હિંદુવાદી સંગઠન અને શ્રદ્ધાળુ મંદિરની વ્યવસ્થા પર ઘણા પ્રશ્ન ઊભા કરી ચૂક્યા છે પરંતુ આ સૌની વચ્ચે એક સારા સમાચાર આવ્યા છે કે હવે ઉજ્જૈનવાસીઓને અઠવાડિયામાં એક વખત નિ:શુલ્ક ભસ્મ આરતીના દર્શન કરાવવામાં આવશે, જેના માટે ટૂંક સમયમાં જ અઠવાડિયાનો દિવસ, શ્રદ્ધાળુઓની સંખ્યા અને તારીખ નક્કી થવાની છે.
સાંસદ અનિલ ફિરોજિયાએ મુખ્યમંત્રી શિવરાજસિંહ ચૌહાણને અઠવાડિયામાં એક દિવસ ઉજ્જૈનના શ્રદ્ધાળુઓને નિ:શુલ્ક ભસ્મ આરતીના દર્શન કરાવવા માટે પ્રસ્તાવ આપવામાં આવ્યો હતો. જેનો મુખ્યમંત્રીએ સ્વીકાર કર્યો છે જેના હેઠળ બાબા મહાકાલની ભસ્મ આરતીના નિ:શુલ્ક દર્શન ઉજ્જૈનવાસીઓને ટૂંક સમયમાં કરાવવામાં આવશે. તેમણે જણાવ્યુ કે લાંબા સમયથી શહેરવાસીઓ ભગવાન મહાકાલના નિ:શુલ્ક દર્શનની માંગણી કરી રહ્યા હતા. જેને જોતા મુખ્યમંત્રી શિવરાજસિંહ ચૌહાણે અઠવાડિયામાં એક દિવસ શહેરની જનતાને નિ:શુલ્ક ભસ્મ આરતી દર્શન કરાવવાનો પ્રસ્તાવ પાસ કરી દીધો છે. મુખ્યમંત્રી પાસેથી સ્વીકૃતિ મળ્યા બાદ સાંસદે કલેક્ટરને આની જાણકારી આપી.
જુલાઈથી સુવિધાનો લાભ મળશે
આ મામલે કલેક્ટરે જણાવ્યુ કે હજુ મહાકાલ મંદિરના દ્વિતીય તબક્કાનું નિર્માણ કાર્ય શરૂ છે, આના પૂર્ણ થતા જ જુલાઈ મહિનાથી નિ:શુલ્ક સુવિધાની શરૂઆત કરી દેવામાં આવશે.
વર્તમાનમાં ભસ્મ આરતીનો 200 રૂપિયા ચાર્જ
મહાકાલેશ્વર મેનેજમેન્ટ કમિટી દ્વારા વર્તમાનમાં ભસ્મ આરતી માટે પ્રતિ વ્યક્તિ 200 રૂપિયાનો ચાર્જ લાગે છે પરંતુ આ સુવિધા શરૂ થયા બાદ ઉજ્જૈનવાસીઓને ભસ્મ આરતી દર્શન માટે કોઈ પ્રકારનો ચાર્જ આપવો પડશે નહીં.
