યમનમાં સાઉદી અરેબિયા સમર્થિત સરકાર અને યુએઈ સમર્થિત અલગતાવાદી દળો વચ્ચે વધતા સૈન્ય સંઘર્ષને કારણે પરિસ્થિતિ અત્યંત ભયજનક બની ગઈ છે. વિવિધ વિસ્તારોમાં સામે સામે હુમલા અને હિંસક ઘટનાઓના કારણે સ્થાનિક નાગરિકો સાથે-સાથે વિદેશી પ્રવાસીઓ પણ ગંભીર જોખમમાં મુકાયા છે. આવી જ પરિસ્થિતિ વચ્ચે યમનના સોકોત્રા ટાપુ પર છેલ્લા કેટલાક અઠવાડિયાથી ફસાયેલા ભારતીય નાગરિક રાખી કિશન ગોપાલને ભારત સરકાર દ્વારા સુરક્ષિત રીતે બહાર કાઢવામાં આવ્યા છે.
યમનમાં સ્થિત ભારતીય મિશનના જણાવ્યા અનુસાર, રાખી કિશન ગોપાલને 7 જાન્યુઆરીએ એક વિશેષ યમેનિયા ફ્લાઈટ મારફતે સાઉદી અરેબિયાના જેદ્દા શહેરમાં મોકલવામાં આવ્યા હતા. જેદ્દામાં ભારતીય વાણિજ્ય દૂતાવાસના અધિકારીઓએ તેમને સ્વીકારી જરૂરી કાયદાકીય અને પ્રવાસી પ્રક્રિયાઓ પૂર્ણ કરાવી હતી. ત્યારબાદ તમામ ઔપચારિકતાઓ પૂરી કરીને તેમને સુરક્ષિત રીતે ભારત પરત મોકલવામાં આવ્યા છે. ભારતીય મિશને સોશિયલ મીડિયા પ્લેટફોર્મ ‘એક્સ’ પર આ સફળ બચાવ અભિયાનની વિગતો શેર કરી, ભારત સરકારની ઝડપી અને સંવેદનશીલ કાર્યવાહી અંગે માહિતી આપી હતી.
Indian national Ms. Rakki Kishan Gopal, who was stranded on Socotra Island in Yemen for the past few weeks, was successfully evacuated on a special Yemenia flight to Jeddah on Jan 7. She was received by officials of the @CGIJeddah & subsequently returned to India this morning. pic.twitter.com/jPI7XlbtjL
— India in Yemen (@IndiaInYemen) January 8, 2026
આ રેસ્ક્યૂ ઓપરેશન એવા સમયે હાથ ધરવામાં આવ્યું છે જ્યારે યમનમાં તણાવ શિખરે છે. સાઉદી અરેબિયા સમર્થિત સરકારી દળો અને યુએઈ સમર્થિત સધર્ન ટ્રાન્ઝિશનલ કાઉન્સિલ (STC) વચ્ચે સત્તા માટે ભારે લડાઈ ચાલી રહી છે. ખાસ કરીને હદ્રમૌત અને અલ-મહરા જેવા પ્રાંતોમાં સૈન્ય મથકો પર કબજો મેળવવા માટે અથડામણો તેજ બની છે, જેના કારણે અનેક વિસ્તારોમાં હવાઈ અને સમુદ્રી સેવાઓ અસરગ્રસ્ત થઈ ગઈ છે. હાલના અહેવાલો મુજબ, કેટલીક જગ્યાએ STC દળોએ પાછળ હટવાનું શરૂ કર્યું છે, પરંતુ પરિસ્થિતિ હજુ પણ અસ્થિર છે.
યમનની મુખ્ય ભૂમિ પર ચાલી રહેલા સંઘર્ષના પગલે સોકોત્રા ટાપુ પર અંદાજે 400 જેટલા વિદેશી પ્રવાસીઓ હજુ પણ ફસાયેલા હોવાનું જાણવા મળે છે. વિમાની સેવાઓ સ્થગિત થવાને કારણે તેઓ ટાપુ છોડવામાં અસમર્થ છે. એક તરફ યમન સરકાર સાઉદી અરેબિયાની મદદથી સ્થિતિ પર નિયંત્રણ મેળવવાનો પ્રયાસ કરી રહી છે, તો બીજી તરફ STC દ્વારા દક્ષિણ યમનને સ્વતંત્ર રાષ્ટ્ર જાહેર કરવાની ચેતવણી આપવામાં આવી છે. આ પરિસ્થિતિને કારણે સમગ્ર પ્રદેશમાં અનિશ્ચિતતા અને ચિંતા વધી રહી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
