ગોલમાલ ફિલ્મની કોમેડીને ચાહકો ખૂબ પસંદ કરે છે. ફિલ્મની કોમેડી ક્લિપ્સ આજે પણ સોશિયલ મીડિયા પર વાયરલ થતી હોય છે. છેલ્લા ઘણા સમયથી લોકો ફિલ્મના આગામી પાર્ટની આતુરતાથી રાહ જોઈ રહ્યા છે. રોહિત શેટ્ટી ગોલમાલ 5 સાથે પાછા ફરી રહ્યા છે. આ જાણકારી એક્ટર શ્રેયસ તલપડેએ આપી છે.
રોહિત શેટ્ટીની છેલ્લી ફિલ્મ સર્કસ બોક્સ ઓફિસ પર ખૂબ ખરાબ રીતે ફ્લોપ રહી હતી દરમિયાન ડાયરેક્ટર પોતાના દર્શકો માટે જૂનો જાદુ તૈયાર કરી રહ્યા છે. એક્ટર શ્રેયસ તલપડેએ તાજેતરમાં જ જણાવ્યુ કે માત્ર ચાહકો જ નહીં અમે લોકો પણ ફિલ્મની આતુરતાથી રાહ જોઈ રહ્યા છીએ. અજય દેવગન અને રોહિત શેટ્ટીએ ગોલમાલની આગામી ફિલ્મની જાહેરાત કરી દીધી હતી પરંતુ કોરોના બાદ બાબતો બદલાઈ ગઈ.
એક્ટરે વધુમાં જણાવ્યુ કે જો ઈમાનદારીથી કહુ તો મને હજુ કહાણી વિશે કંઈ ખબર નથી પરંતુ આશા છે કે ટૂંક સમયમાં જ રોહિત શેટ્ટી આની પર કામ શરૂ કરી દેશે. શ્રેયસ તલપડેની વાતથી સ્પષ્ટ વ્યક્ત થાય છે કે તેઓ રોહિત શેટ્ટી ટૂંક સમયમાં જ ગોલમાલ 5 પર કામ શરૂ કરશે. ગયા વર્ષે સર્કસના ટ્રેલર લોન્ચ પર એવી ચર્ચા થઈ હતી કે આ વખતે ફિલ્મમાં રણવીર સિંહને પણ કાસ્ટ કરવામાં આવી શકે છે. જે બાદ રણવીરના ચાહકો ખુશ થઈ ગયા હતા.
