જમ્મુ કાશ્મીરથી એક મોટા સમાચાર સામે આવ્યા છે. વાસ્તવમાં જમ્મુ-કાશ્મીરના કુપવાડા જિલ્લાના ગુગલધર વિસ્તારમાં સુરક્ષાદળો અને આતંકવાદીઓ વચ્ચે ચાલી રહેલી અથડામણમાં બે આતંકવાદીઓ માર્યા ગયા છે. આ ઓપરેશનમાં સેનાએ આતંકીઓ પાસેથી હથિયારો અને અન્ય યુદ્ધ સંબંધિત સામગ્રી જપ્ત કરી છે. સેનાના જણાવ્યા અનુસાર આ વિસ્તારમાં સર્ચ કરવામાં આવી રહ્યું છે અને ઓપરેશન હજુ પણ ચાલુ છે.
OP GUGALDHAR, #Kupwara
On 04 Oct 2024, based on intelligence about infiltration attempt, a joint operation by the #IndianArmy and @JmuKmrPolice was launched at Gugaldhar, Kupwara. Alert troops spotted suspicious activity and challenged, leading to exchange of firing with… pic.twitter.com/64ZCSoiOEj
— Chinar Corps🍁 – Indian Army (@ChinarcorpsIA) October 4, 2024
ભારતીય સેનાના ચિનાર કોર્પ્સના સત્તાવાર ટ્વિટર એકાઉન્ટ પરથી આ અંગે માહિતી શેર કરવામાં આવી છે. વાસ્તવમાં સુરક્ષા દળોને ગુગલધર વિસ્તારમાં આતંકવાદીઓની હાજરીની માહિતી મળતાં જ ઓપરેશન શરૂ થયું હતું. આ દરમિયાન સુરક્ષા દળોએ વિસ્તારને ચારે બાજુથી ઘેરી લીધો હતો. આ પછી આતંકવાદીઓ અને સુરક્ષા દળો વચ્ચે ગોળીબાર શરૂ થયો જેમાં બે આતંકવાદીઓ માર્યા ગયા.
સેનાએ કહ્યું છે કે, જપ્ત કરાયેલા હથિયારો અને અન્ય સામગ્રીથી સ્પષ્ટ થાય છે કે, આતંકવાદીઓ કોઈ મોટું ષડયંત્ર રચી રહ્યા હતા. આ વિસ્તારમાં હજુ પણ સુરક્ષા દળોની હાજરી છે. ત્યાં વધુ આતંકવાદીઓ છુપાયા નથી તેની ખાતરી કરવા માટે આ વિસ્તારની સઘન તપાસ ચાલી રહી છે. આ એન્કાઉન્ટર સુરક્ષા દળો દ્વારા આતંકવાદ વિરુદ્ધ ચલાવવામાં આવી રહેલા કડક અભિયાનનો એક ભાગ છે જેમાં આતંકવાદીઓને ખતમ કરવા અને શાંતિ જાળવવા માટે સતત ઓપરેશન ચલાવવામાં આવી રહ્યા છે.
સુરક્ષા દળોએ ઓપરેશન શરૂ કર્યું
નોંધનિય છે કે, 4 ઓક્ટોબર, 2024ના રોજ કુપવાડાના ગુગલધરમાં ઘૂસણખોરીના પ્રયાસની સૂચના પર ભારતીય સેના અને જમ્મુ-કાશ્મીર પોલીસે સંયુક્ત ઓપરેશન શરૂ કર્યું હતું. આ દરમિયાન સુરક્ષા દળોએ શંકાસ્પદ ગતિવિધિઓ જોઈ. થોડા સમય બાદ આતંકીઓ સાથે ગોળીબાર શરૂ થયો હતો. સેનાની સતર્કતાને કારણે ઘૂસણખોરીનો પ્રયાસ નિષ્ફળ ગયો. હાલમાં ઓપરેશન ચાલી રહ્યું છે અને વિસ્તારમાં સર્ચ કરવામાં આવી રહ્યું છે.
