નવલી નવરાત્રીમાં માઁ અંબાના ગરબા ગુજરાત સહિત દેશભરમાં થતા હોય છે ત્યારે અખિલ ભારતીય વિદ્યાર્થી પરિષદ થરાદ નગર દ્વારા પણ ગરબાનું આયોજન કરવામાં આવ્યું છે, ત્યારે રવિવારના ગરબા કસ્તુરબા ગાંધી બાલિકા વિદ્યાલય(ગર્લ હોસ્ટેલ) થરાદ ખાતે યોજવામાં આવ્યા હતા જેમાં ગર્લ હોસ્ટેલની બહેનો માઁ અંબાના ગરબા રમી હતી. તેમાં નિર્ણાયક તરીકે હેતલબેન પંચાલ હતા અને ૧ થી ૩ નંબર લાવનાર બહેનોને કવર તેમજ ટ્રોફી આપી પ્રોત્સાહિત કરવામાં આવી હતી તેમજ અખિલ ભારતીય વિદ્યાર્થી પરિષદ દ્વારા વોર્ડન બહેનને પણ ફોટો આપી સન્માનિત કરવામાં આવ્યા હતા અને નિર્ણાયક ને પણ સન્માનિત કરવામાં આવ્યા હતા આ કાર્યક્રમમાં એબીવીપી ના ભાગ સંયોજક રાજેશભાઈ જોષી(નાનોલ)નો પ્રવાસ રહ્યો હતો તેમજ નગરમંત્રી વિશાલપુરી ગૌસ્વામી પણ હાજર રહ્યા હતા.
