સ્પેનની રાજધાની મેડ્રિડના પુએંતે દ વાયેકાસ વિસ્તારમાં 22 નવેમ્બરના બપોરે થયેલી આ ઘટના ચોંકાવનારી છે અને પોલીસ તેને સંભવિત ઇસ્લામી આતંકવાદી હુમલા તરીકે તપાસી રહી છે. 18 વર્ષીય યુવકે અચાનક રસ્તા પર ત્રણ લોકો પર છરીથી હુમલો કર્યો હતો અને આ દરમિયાન ‘અલ્લાહુ અકબર’ના નારા લગાવ્યા હતા. હુમલામાં એક વૃદ્ધ મહિલા, એક પુરુષ અને લગભગ 40 વર્ષીય વ્યક્તિ ઘાયલ થયા હતા, જેમાં એકના છાતીમાં લગભગ બે ઇંચ ઊંડો ઘા થયો હતો. સદ્ભાગ્યે ત્રણેયની હાલત હાલ સ્થિર છે અને હોસ્પિટલમાં સારવાર ચાલી રહી છે.
હુમલા પછી તે તરત જ પોતાના ફ્લેટમાં ભાગી ગયો અને દરવાજો લોક કરી અંદરથી છરી સાથે અત્યંત આક્રમક વર્તન કરતો રહ્યો. તેની હરકતો જોખમભરી દેખાતા તેની જ ભાઈએ પોલીસને કોલ કર્યો હતો. ઘટના ગંભીર હોવાથી સ્થાનિક પોલીસ ઉપરાંત સ્પેનની એન્ટી-ટેરર સિસ્ટમની ખાસ ટીમને તાત્કાલિક તહેનાત કરવામાં આવી હતી.
Suspected Moroccan #Jihadist Shot After Attempted Attack on Police Officers in #Vallecas, Madrid, #Spain
Read more: https://t.co/AhtYT8nCVe pic.twitter.com/UjQCrygItm
— TRACTerrorism (@TracTerrorism) November 24, 2025
સાંજે 4:30 વાગ્યે પોલીસએ તેનું ઘર બ્રિચ કરીને પ્રવેશ કર્યો. પહેલા તેને કાબૂમાં લેવા બે વખત ટેઝર ગનનો પ્રયત્ન કરાયો, પરંતુ તેનો કોઈ અસર ન થતા યુવક છરી લઈને પોલીસ પર હુમજો કરવા તોફાની રીતે ઝંપલાવ્યો. પરિસ્થિતિ નિયંત્રણ બહાર જતા પોલીસે ચાર ગોળીઓ ફાયર કરી, જેમાં બે ગોળી તેને ગંભીર રીતે વાગી — એક ફેફસામાં અને એક કિડનીમાં. આ પછી તેને તાત્કાલિક હોસ્પિટલ ખસેડવામાં આવ્યો.
પોલીસ યુનિયન JUPOLએ નિવેદનમાં કહ્યું છે કે હુમલાખોર યુવક રેડિકલાઈઝ્ડ લાગતો હતો અને પોલીસે લોકોએ વધુ નુકસાન ન થાય તે હેતુસર પ્રમાણસર બળપ્રયોગ કર્યો હતો. આ સમગ્ર ઘટનાની હાલમાં આતંકવાદ વિરોધી શાખા દ્વારા તપાસ ચાલી રહી છે.
સ્પેનિશ મીડિયા મુજબ એ પણ અનુમાન છે કે હુમલાખોર ડ્રગ્સના નશામાં હોઈ શકે છે, પરંતુ તેની પુષ્ટિ હજુ બાકી છે. તપાસમાં હવે મુખ્ય રીતે બે દિશામાં ધ્યાન રાખવામાં આવી રહ્યું છે —
- શું આ હુમલો રેડિકલ ઇસ્લામિક વિચારધારા પરથી પ્રેરિત આતંકવાદી હુમલો હતો?
- કે હુમલાખોરનો માનસિક અથવા ડ્રગ્સને કારણે નિયંત્રણ ગુમાવવાનો કેસ હતો?
ઘટનાએ સ્થાનિકોમાં ગભરાટ ફેલાવ્યો છે અને સ્થળે વધારાની સુરક્ષા તહેનાત કરવામાં આવી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
