લખનૌની કિંગ જ્યોર્જ મેડિકલ યુનિવર્સિટી (KGMU)માં એક અત્યંત ગંભીર અને સંવેદનશીલ કેસ સામે આવ્યો છે, જેમાં પેથોલોજી વિભાગના રેસિડન્ટ ડૉક્ટર રમીઝુદ્દીન નાઈક (રમીઝ મલિક) પર પોતાની હિંદુ સહાધ્યાયી મહિલા ડૉક્ટરને પ્રેમની જાળમાં ફસાવી શારીરિક શોષણ કરવાનો, ગર્ભપાત કરાવવાનો અને અશ્લીલ ફોટા-વિડીયો બનાવી તેને બ્લેકમેલ કરીને ઇસ્લામ કબૂલવા માટે દબાણ કરવાનો ગંભીર આરોપ મૂકાયો છે.
પીડિતાએ આરોપ લગાવ્યો છે કે નિકાહનું વચન આપી ઑગસ્ટ મહિનામાં તેની સાથે શારીરિક સંબંધ બાંધવામાં આવ્યા હતા અને સપ્ટેમ્બરમાં ગર્ભવતી થતાં દવાઓ આપીને ગર્ભપાત કરાવવામાં આવ્યો હતો. ત્યારબાદ આરોપીએ સતત ત્રાસ આપ્યો, પીછો કર્યો અને અશ્લીલ સામગ્રી વાયરલ કરવાની ધમકી આપી ધર્માંતરણ માટે દબાણ વધાર્યું.
આ સતત માનસિક અને શારીરિક હેરાનગતિથી વ્યથિત થઈ પીડિતાએ 17 ડિસેમ્બરે હોસ્ટેલમાં ઝેરી દવાઓ ખાઈ આત્મહત્યાનો પ્રયાસ કર્યો, બાદમાં તેને KGMUના ટ્રોમા સેન્ટર અને ICUમાં દાખલ કરવામાં આવી હતી અને 19 ડિસેમ્બરે રજા આપવામાં આવી. ઘટના બાદ પીડિતાએ રાજ્ય મહિલા આયોગ તથા જન શિકાયત પોર્ટલ પર અરજી કરી અને મુખ્યમંત્રી યોગી આદિત્યનાથ સાથે વાત કરીને પોતાની વ્યથા વ્યક્ત કરી, સાથે જ આરોપ લગાવ્યો કે આ વ્યક્તિ એકલો નથી પરંતુ કેમ્પસમાં ધર્મ પરિવર્તનની ગેંગ કાર્યરત છે.
આ મામલે લખનૌના ચોક પોલીસ સ્ટેશનમાં FIR નોંધાઈ છે, જેમાં ભારતીય ન્યાય સંહિતાની (BNS) કલમ 69, 89 અને 351(1) તથા ઉત્તર પ્રદેશ ગેરકાયદેસર ધર્મ પરિવર્તન નિષેધ અધિનિયમ હેઠળ ગુનો દાખલ થયો છે. ACP ચોક રાજકુમાર સિંહ મુજબ આરોપીની શોધ ચાલુ છે અને તેને ટૂંક સમયમાં ધરપકડ કરવામાં આવશે. બીજી તરફ, KGMU પ્રશાસને વાઇસ-ચાન્સેલર પ્રો. સોનિયા નિત્યાનંદના આદેશથી વિશાખા કમિટી દ્વારા તપાસ શરૂ કરી છે, આરોપીને તાત્કાલિક સસ્પેન્ડ કરી કેમ્પસમાં પ્રવેશ પર પ્રતિબંધ મૂક્યો છે અને પીડિતાની સુરક્ષા માટે હોસ્ટેલમાં 24 કલાક મહિલા સુરક્ષા ગાર્ડ તૈનાત કર્યા છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
