કેરળમાં વિવિધ વિકાસકાર્યોના લોકાર્પણ અને શિલાન્યાસ બાદ પ્રધાનમંત્રી નરેન્દ્ર મોદીએ તિરુવનંતપુરમમાં જનસભાને સંબોધી હતી. તેમણે પોતાના ભાષણમાં કહ્યું કે આજે તેઓ અહીં નવી ઊર્જા અને નવી આશા અનુભવી રહ્યા છે. જનતાની ઊર્જા અને ઉત્સાહ એ સંકેત આપે છે કે કેરળમાં હવે ખરેખર પરિવર્તનનો સમય આવી ગયો છે.
પીએમ મોદીએ આ પ્રસંગે ગુજરાતનું ઉદાહરણ આપતાં કહ્યું કે 1987 પહેલાં ગુજરાતમાં ભાજપ માત્ર એક પક્ષ હતો, પરંતુ 1987માં પહેલી વખત અમદાવાદ મ્યુનિસિપલ કોર્પોરેશનમાં ભાજપે જીત મેળવી. ત્યાંથી ગુજરાતમાં વિકાસ અને વિશ્વાસની એક શ્રેણી શરૂ થઈ, જેમાં લોકોએ ભાજપના કામ અને આચરણને જોયું, તેનું મૂલ્યાંકન કર્યું અને છેલ્લા ઘણા દાયકાઓથી સતત તકો આપી છે. તેમણે કહ્યું કે એ બધું એક શહેરથી શરૂ થયું હતું અને આજે કેરળમાં પણ એ જ પ્રક્રિયા શરૂ થઈ ગઈ છે. હવે કેરળે ભાજપ પર વિશ્વાસ મૂક્યો છે અને વિકાસની યાત્રામાં જોડાયું છે.
#WATCH | Thiruvananthapuram, Kerala: At a BJP rally, PM Modi says, "For decades, LDF and UDF have done gross injustice to Thiruvananthapuram. Left and Congress's corruption has pulled back Thiruvananthapuram even in terms of basic facilities. But now this will not happen. BJP… pic.twitter.com/DA9CKOY7u1
— ANI (@ANI) January 23, 2026
પીએમ મોદીએ પોતાના ભાષણમાં કોંગ્રેસ પર કડક પ્રહાર કરતાં કહ્યું કે કોંગ્રેસ માઓવાદીઓ કરતાં પણ વધારે ખતરનાક બની ગઈ છે. તેમણે આરોપ લગાવ્યો કે કોંગ્રેસ કેરળમાં કટ્ટરપંથીઓને પ્રોત્સાહન આપી રહી છે અને હવે તે મુસ્લિમ લીગ કરતાં પણ વધારે કમ્યુનલ થઈ ગઈ છે. તેમણે જણાવ્યું કે LDF અને UDFના ઝંડા ભલે અલગ હોય, પરંતુ તેમનો એજન્ડા એક જ છે અને બંનેએ મળીને કેરળને બરબાદ કર્યું છે.
#WATCH | Thiruvananthapuram, Kerala: At a BJP rally, PM Modi says, "The upcoming elections will be the ones to change the condition and direction of Kerala. When it comes to the future of Kerala, you have seen just two sides so far. On one side, there is LDF, and on the other… pic.twitter.com/DmLIEmghQV
— ANI (@ANI) January 23, 2026
કોંગ્રેસ પાસે વિકાસ માટે કોઈ સ્પષ્ટ એજન્ડા નથી અને આ બંને ગઠબંધનોએ રાજ્યને ભ્રષ્ટાચાર, કુશાસન અને તુષ્ટિકરણની ખતરનાક રાજનીતિ તરફ ધકેલી દીધું છે. પીએમ મોદીએ કહ્યું કે આવનારી ચૂંટણીઓ કેરળની દિશા અને સ્થિતિ બદલી નાખનારી છે. અત્યાર સુધી લોકો બે જ વિકલ્પો જોઈ રહ્યા હતા – LDF અને UDF, પરંતુ હવે એક ત્રીજો વિકલ્પ પણ છે, જે વિકાસ, સુશાસન અને ભાજપ-NDAનું પ્રતિનિધિત્વ કરે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
