લંડનના નોર્થ-વેસ્ટ વિસ્તારમાં આવેલી કિંગ્સબરી હાઈ સ્કૂલમાં એક ચોંકાવનારી હિંસક ઘટના સામે આવી છે, જેમાં 13 વર્ષીય વિદ્યાર્થીએ પોતાની જ શાળાના બે સહપાઠીઓ પર છરી વડે જીવલેણ હુમલો કર્યો હતો. મળતી માહિતી મુજબ, આ ઘટના 10 ફેબ્રુઆરીના રોજ બપોરે આશરે 12:40 વાગ્યે શાળાના સાયન્સ ક્લાસરૂમમાં બની હતી. હુમલાખોરે અચાનક હુમલો કરતાં ક્લાસરૂમમાં ભયનો માહોલ સર્જાયો હતો. હુમલા બાદ આરોપી સ્થળ પરથી ફરાર થઈ ગયો હતો, જોકે મેટ્રોપોલિટન પોલીસે ઝડપી કાર્યવાહી કરીને તેને કસ્ટડીમાં લીધો હતો.
આ હુમલામાં 12 વર્ષ અને 13 વર્ષના બે વિદ્યાર્થીઓ ગંભીર રીતે ઘાયલ થયા હતા. બંનેને ગળા અને શરીરના ઉપરના ભાગમાં છરીના ઘા લાગ્યા હતા, જેને પગલે તાત્કાલિક એમ્બ્યુલન્સ દ્વારા હોસ્પિટલમાં ખસેડવામાં આવ્યા હતા. એક પીડિતને મેજર ટ્રોમા સેન્ટરમાં સારવાર આપવામાં આવી હોવાનું જાણવા મળે છે. ઘટનાના પ્રત્યક્ષદર્શીઓએ જણાવ્યું કે હુમલાખોર કિશોર હુમલા દરમિયાન ‘અલ્લાહુ અકબર’ના નારા લગાવી રહ્યો હતો, જેના કારણે ઘટનાની ગંભીરતા વધુ વધી ગઈ છે.
लंदन: किंग्सबरी हाई स्कूल में दिल दहला देने वाली घटना!
13 साल के एक मुस्लिम लड़के ने दो अन्य छात्रों (12 और 13 साल) पर चाकू से हमला कर दिया।
हमले के दौरान वह बार-बार "अल्लाहु अकबर" के नारे लगा रहा था, जिससे स्कूल में अफरा-तफरी मच गई।
दोनों पीड़ित बच्चे गंभीर रूप से घायल हैं… pic.twitter.com/CbAiUreRvH
— One India News (@oneindianewscom) February 11, 2026
શરૂઆતમાં પોલીસે આ ઘટનાને સામાન્ય હિંસક બનાવ તરીકે જોવાની દિશામાં તપાસ શરૂ કરી હતી, પરંતુ હુમલા દરમિયાન લગાવવામાં આવેલા સૂત્રોચ્ચાર અને સંભવિત હેતુને ધ્યાનમાં રાખીને બ્રિટનની આતંકવાદ વિરોધી એજન્સી (Counter-Terrorism Command)એ તપાસની કમાન સંભાળી છે. તપાસકર્તાઓ હવે તપાસ કરી રહ્યા છે કે શું આરોપી કોઈ કટ્ટરપંથી વિચારધારા અથવા ઓનલાઇન પ્રભાવ હેઠળ હતો કે નહીં.
ઘટના બાદ શાળામાં તરત જ લોકડાઉન જાહેર કરવામાં આવ્યું હતું અને સશસ્ત્ર પોલીસ દળોએ સમગ્ર વિસ્તારને ઘેરી લીધો હતો. પોલીસે હુમલામાં ઉપયોગમાં લેવાયેલી છરી પણ કબજે કરી લીધી છે. હાલ સમગ્ર મામલે વધુ તપાસ ચાલી રહી છે અને સુરક્ષા એજન્સીઓ દ્વારા તમામ પાસાઓની વિગતવાર તપાસ કરવામાં આવી રહી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
