બ્રિટન જવાની તૈયારી કરી રહેલા ભારતીયો માટે સારા સમાચાર છે. UK Visas and Immigration (UKVI) દ્વારા હવે વિઝા સિસ્ટમને સંપૂર્ણપણે ડિજિટલ બનાવી દેવામાં આવી છે. અત્યાર સુધી જે પરંપરાગત રીતે પાસપોર્ટ પર વિઝા સ્ટીકર લગાવવામાં આવતો હતો, તે વ્યવસ્થા હવે સમાપ્ત કરવામાં આવી છે અને તેની જગ્યાએ ‘ઈ-વિઝા’ (eVisa) સિસ્ટમ લાગુ કરવામાં આવી છે. આ નવા ડિજિટલ ફેરફારથી ભારતીય પ્રવાસીઓને મોટી સુવિધા મળશે, કારણ કે હવે વિઝા પ્રક્રિયા દરમિયાન તેમને પાસપોર્ટ એમ્બેસી પાસે જમા કરાવવાની જરૂર રહેશે નહીં.
કોલકાતા સ્થિત British Deputy High Commission Kolkata દ્વારા આપવામાં આવેલી માહિતી મુજબ, ઈ-વિઝા એટલે પ્રવાસીના ઈમિગ્રેશન સ્ટેટસનો સંપૂર્ણ ડિજિટલ રેકોર્ડ. આ રેકોર્ડ પ્રવાસીના પાસપોર્ટ સાથે ઓનલાઇન રીતે લિંક રહેશે. આ નવી વ્યવસ્થાથી પ્રવાસીઓ ટુરિસ્ટ, સ્ટુડન્ટ કે વર્ક વિઝા સંબંધિત તમામ માહિતી સરળતાથી પોતાના ઓનલાઇન એકાઉન્ટમાં જોઈ શકશે. જો કોઈ અરજદાર પાસે પહેલાથી જ વેલિડ સ્ટીકર વિઝા હોય તો તેમને ફરીથી અરજી કરવાની જરૂર નથી, પરંતુ તેમને UKVI પર પોતાનું ઓનલાઇન એકાઉન્ટ બનાવી તેને પાસપોર્ટ સાથે લિંક કરવું પડશે.
The UK immigration system is going digital.
From today, visitors to the UK who need a visa will receive an eVisa only. #eVisas replace visa vignette stickers in passports.
➡️ https://t.co/IzWmOpxntx pic.twitter.com/eMpzktivQb
— UK in India🇬🇧🇮🇳 (@UKinIndia) February 25, 2026
ભારતીય અરજદારો માટે આજથી ઈ-વિઝા સેવા
ભારતીય અરજદારો માટે આજથી ઈ-વિઝા સેવા સત્તાવાર રીતે શરૂ કરવામાં આવી છે. આ નવી સિસ્ટમ પરંપરાગત વિઝા સ્ટીકરનું સ્થાન લેશે. હવે બાયોમેટ્રિક્સ પ્રક્રિયા પૂર્ણ થયા પછી અરજદારોને તે જ દિવસે પોતાનો પાસપોર્ટ પરત મળી જશે. અગાઉ વિઝા પ્રોસેસિંગ દરમિયાન પાસપોર્ટ લગભગ બે થી ત્રણ અઠવાડિયા સુધી એમ્બેસી પાસે જમા રહેતો હતો, જેના કારણે મુસાફરો અન્ય દેશોમાં પ્રવાસ કે વિઝા માટે અરજી કરી શકતા નહોતા. પરંતુ હવે પાસપોર્ટ પોતાની પાસે જ રહેતા અરજદારો વિઝા પ્રક્રિયા ચાલુ હોવા છતાં અન્ય દેશોના વિઝા માટે અરજી કરી શકે છે અથવા વિદેશ પ્રવાસ પણ કરી શકે છે.
ડિજિટલ એકાઉન્ટ અને પાસપોર્ટ લિંકિંગ ફરજિયાત
નવી વ્યવસ્થા અનુસાર તમામ અરજદારોને UKVI પર પોતાનું ઓનલાઇન એકાઉન્ટ બનાવવું પડશે, જે તેમના પાસપોર્ટ સાથે ડિજિટલી લિંક રહેશે. જો કોઈ પરિવાર સાથે મુસાફરી કરી રહ્યો હોય તો સગીર બાળકો સહિત દરેક સભ્ય માટે અલગ ઓનલાઇન એકાઉન્ટ બનાવવું ફરજિયાત રહેશે. મુસાફરી દરમિયાન પ્રવાસીઓને પોતાના ઈ-વિઝાનો ડિજિટલ પુરાવો મોબાઇલમાં અથવા પ્રિન્ટ સ્વરૂપે સાથે રાખવો પડશે. શરૂઆતના તબક્કે કેટલીક ટેકનિકલ સમસ્યાઓ ઉભી થઈ શકે તે ધ્યાનમાં રાખીને UK Home Office આ સમગ્ર પ્રક્રિયા પર સતત નજર રાખી રહ્યું છે.
તાજેતરના આંકડાઓ મુજબ, તાજેતરમાં 5.50 લાખથી વધુ ભારતીયોએ યુકે વિઝા માટે અરજી કરી હતી. આવી સ્થિતિમાં ઈ-વિઝા સિસ્ટમ લાગુ થતાં હવે વિઝા પ્રક્રિયા વધુ ઝડપી, પારદર્શક અને સુવિધાજનક બનવાની અપેક્ષા છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
