પશ્ચિમ એશિયામાં અમેરિકા અને ઈઝરાયલ વચ્ચે ઈરાન સામે ચાલી રહેલા ભીષણ સંઘર્ષના છઠ્ઠા દિવસે ભારતના વડાપ્રધાન Narendra Modiએ અત્યંત મહત્વપૂર્ણ નિવેદન આપ્યું છે. Finlandના પ્રતિનિધિઓ સાથેની મુલાકાત દરમિયાન તેમણે સ્પષ્ટ શબ્દોમાં કહ્યું કે, “ભલે તે Ukraine હોય કે પશ્ચિમ એશિયા, કોઈપણ મુદ્દાનું નિરાકરણ સૈન્ય સંઘર્ષ દ્વારા લાવી શકાતું નથી.”
PM મોદીએ ભારપૂર્વક જણાવ્યું કે ભારત અને ફિનલેન્ડ બંને કાયદાના શાસન, સંવાદ અને રાજદ્વારી વ્યૂહનીતિમાં વિશ્વાસ રાખે છે. તેમણે ઉમેર્યું કે ભારત સંઘર્ષોના વહેલા અંત અને વૈશ્વિક શાંતિ માટે કરવામાં આવતા તમામ પ્રયાસોને સમર્થન આપતું રહેશે.
भारत और फिनलैंड, दोनों, rule of law, dialogue और diplomacy में विश्वास रखते हैं।
हम एकमत हैं कि केवल मिलिटरी कॉन्फ्लिक्ट से किसी भी मुद्दे का समाधान नहीं निकल सकता।
यूक्रेन हो या पश्चिमी एशिया, हम संघर्ष की शीघ्र समाप्ति और शांति के हर प्रयास का समर्थन करते रहेंगे: PM…
— PMO India (@PMOIndia) March 5, 2026
આંતરરાષ્ટ્રીય સંસ્થાઓમાં સુધારા અને આતંકવાદ સામે કડક વલણ
વડાપ્રધાને વૈશ્વિક પડકારો સામે લડવા માટે આંતરરાષ્ટ્રીય સંસ્થાઓમાં સુધારા અતિ આવશ્યક ગણાવ્યા. સાથે જ આતંકવાદના દરેક સ્વરૂપને જડમૂળથી ઉખેડી ફેંકવાની ભારતની પ્રતિબદ્ધતા ફરી દોહરાવી.
ભારત-ફિનલેન્ડ ભાગીદારીને નવી ઊંચાઈએ લઈ જવાની વાત કરતા તેમણે જણાવ્યું કે બંને દેશો વચ્ચે AI, 6G ટેલિકોમ, ક્લીન એનર્જી અને ક્વોન્ટમ કમ્પ્યુટિંગ જેવા હાઈટેક ક્ષેત્રોમાં સહયોગ વધુ મજબૂત બનશે.
પશ્ચિમ એશિયામાં યુદ્ધ ભયાનક વળાંક પર
બીજી તરફ, Iran અને Israel–United States વચ્ચેનો સંઘર્ષ વધુ ભયાનક બનતો જઈ રહ્યો છે. છેલ્લા છ દિવસમાં 1000થી વધુ લોકોના મોત થયાના અહેવાલ છે.
અમેરિકા અને ઈઝરાયલના દળોએ ઈરાની નેવી પર મોટો હુમલો કરીને હિંદ મહાસાગરમાં ઈરાનના યુદ્ધજહાજ IRIS Denaને સબમરીન હુમલામાં ડૂબાડ્યાનો દાવો કર્યો છે. સાથે જ અમેરિકાએ ઈરાનના એર સ્પેસ પર નિયંત્રણ મેળવ્યાનો પણ દાવો કર્યો છે.
ઈરાનમાં સર્વોચ્ચ નેતા Ali Khamenei અને અન્ય ટોચના નેતાઓના નિધન બાદ તેમના પુત્ર મૌજ્તબા ખામેનેઈને નવા ઉત્તરાધિકારી તરીકે જાહેર કરવામાં આવ્યા હોવાના અહેવાલો સામે આવ્યા છે. હાલમાં ઈરાની રિવોલ્યુશનરી ગાર્ડ્સના મુખ્ય મથક અને રાષ્ટ્રપતિ કાર્યાલય પર સતત બોમ્બમારો થઈ રહ્યો છે, જેના કારણે વૈશ્વિક સ્તરે ચિંતાનું માહોલ સર્જાયો છે.
વિશ્વભરમાં આ સંકટને લઈને રાજકીય અને કૂટનીતિક હલચલ તેજ બની છે.
અમારી યુટ્યુબ ચેનલને લાઈક કરો, શેર કરો અને સબસ્ક્રાઈબ કરો
Like, Share and Subscribe our YouTube channel
