મધ્યપૂર્વમાં તણાવ હવે વધુ ભયાનક વળાંક લઈ રહ્યો છે. ઈરાન અને ઈઝરાયલ વચ્ચે ચાલી રહેલા સંઘર્ષ વચ્ચે ઈરાને ખાડી દેશો પર મિસાઈલ હુમલાઓ તેજ કર્યા છે, જેના કારણે સમગ્ર ક્ષેત્રમાં અસ્થિરતા વધી ગઈ છે. આ હુમલાઓના જવાબમાં સાઉદી અરેબિયા અને યુએઈએ પણ આક્રમક વલણ અપનાવ્યું છે. હાલની પરિસ્થિતિને ધ્યાનમાં રાખીને 12 મુસ્લિમ દેશો ઈરાન વિરુદ્ધ એકજૂટ થયા હોવાનું સામે આવ્યું છે.
અમેરિકા અને ઈઝરાયલ દ્વારા ઈરાનના ગેસ ઠેકાણાઓ પર થયેલા હુમલાઓથી ઉશ્કેરાયેલા તેહરાને સાઉદી અરેબિયા, કતાર અને યુએઈના મહત્વપૂર્ણ તેલ અને ગેસ ઇન્ફ્રાસ્ટ્રક્ચરને નિશાન બનાવ્યા છે. ખાસ કરીને રાસ લાફાન ઇન્ડસ્ટ્રિયલ સિટી અને સાઉદીની મોટી ઓઈલ સુવિધાઓ પર હુમલાઓ થયા હોવાના અહેવાલ છે, જેના કારણે વૈશ્વિક ઉર્જા બજારમાં ચિંતા વધી છે.
આ હુમલાઓ સામે અરબ દેશોમાં ભારે રોષ ફાટી નીકળ્યો છે. રિયાધમાં 12 મુસ્લિમ દેશોના વિદેશ મંત્રીઓની તાત્કાલિક બેઠક બોલાવવામાં આવી હતી. બેઠક બાદ જારી કરાયેલા સંયુક્ત નિવેદનમાં ઈરાનના હુમલાઓની કડક નિંદા કરવામાં આવી છે અને આંતરરાષ્ટ્રીય કાયદાનું પાલન કરવા ચેતવણી આપવામાં આવી છે. નિવેદનમાં રહેણાંક વિસ્તારો, એરપોર્ટ, તેલ સુવિધાઓ અને રાજદ્વારી મિશનો પર હુમલાઓને અયોગ્ય ગણાવવામાં આવ્યા છે.
Qatar’s Rass Laffan oil and gas facility has reportedly come under attack for the second time
Follow: https://t.co/mLGcUTS2ei pic.twitter.com/2ZRkVat2zF
— Press TV 🔻 (@PressTV) March 19, 2026
વધતા તણાવ વચ્ચે કતારએ પણ ઈરાન સામે કડક પગલાં લીધા છે. કતારના વિદેશ મંત્રાલયે ઈરાની દૂતાવાસના સૈન્ય અને સુરક્ષા અધિકારીઓને ‘પર્સોના નોન ગ્રાટા’ જાહેર કરીને 24 કલાકમાં દેશ છોડવાનો આદેશ આપ્યો છે. કતારે આરોપ લગાવ્યો છે કે ઈરાન વારંવાર તેની સંપ્રભુતા અને સુરક્ષાનું ઉલ્લંઘન કરી રહ્યું છે.
બીજી તરફ ઈઝરાયલએ દાવો કર્યો છે કે ઈરાન સમર્થિત ઈમામ હુસૈન ડિવિઝનના નવા કમાન્ડર હસન અલી મરવાનને ઠાર કરવામાં આવ્યો છે. આ ઘટના ઈરાન માટે મોટો ઝટકો માનવામાં આવી રહી છે, કારણ કે મરવાનને તાજેતરમાં જ આ જવાબદારી સોંપવામાં આવી હતી.
આ વચ્ચે સાઉદી અરેબિયાની સૌથી મોટી ઓઈલ કંપની સાઉદી અરામકોની સુવિધાઓને પણ નિશાન બનાવવામાં આવી હોવાનું જણાવાયું છે. કેટલાક અહેવાલો અનુસાર ઈરાને બેલેસ્ટિક મિસાઈલ દ્વારા હુમલો કર્યો હતો, જેના વિડીયો પણ સામે આવ્યા છે. બીજી તરફ યુએઈએ પોતાના હબશાન ગેસ સેન્ટર અને બાબ ઓઈલ ફિલ્ડ પર થયેલા હુમલાને એર ડિફેન્સ સિસ્ટમ દ્વારા નિષ્ફળ બનાવ્યાનો દાવો કર્યો છે.
American sector of the Riyadh refinery, a key facility used to fuel US Air Force jets stationed at Prince Sultan Air Base was destroyed during a missile attack.
Follow: https://t.co/mLGcUTS2ei pic.twitter.com/Ho7HQQi5xg
— Press TV 🔻 (@PressTV) March 18, 2026
સાઉદી અરેબિયાના વિદેશ મંત્રી પ્રિન્સ ફૈઝલ બિન ફરહાન અલ સઉદએ કડક નિવેદન આપતા કહ્યું કે ઈરાન પરનો વિશ્વાસ તૂટી ગયો છે અને ખાડી દેશો હવે મૌન નહીં રહે. તેમણે સ્પષ્ટ ચેતવણી આપી કે દરેક હુમલાનો યોગ્ય જવાબ આપવામાં આવશે.
આ વચ્ચે ઈમેન્યુઅલ મેક્રોનએ પરિસ્થિતિ શાંત કરવા માટે અપીલ કરી છે. તેમણે ડોનાલ્ડ ટ્રમ્પ અને કતારના નેતૃત્વ સાથે વાતચીત કરીને ઊર્જા અને પાણી જેવી આવશ્યક સુવિધાઓ પર થતા હુમલાઓ તાત્કાલિક બંધ કરવા પર ભાર મૂક્યો છે.
ઈરાનના વિદેશ મંત્રી સૈયદ અબ્બાસ અરાઘચીએ ચેતવણી આપી છે કે ઈરાન દરેક હુમલાનો જડબાતોડ જવાબ આપશે અને તે શાંત બેસવાનો નથી. આ નિવેદનોથી સ્પષ્ટ થાય છે કે મધ્યપૂર્વમાં હાલની પરિસ્થિતિ વધુ ગંભીર બની રહી છે અને આગામી દિવસોમાં સંઘર્ષ વધુ ઉગ્ર બની શકે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
