ગુજરાત રાજ્ય ઉદ્યોગ અને સાહસિકતાના ક્ષેત્રે દેશના અગ્રણી રાજ્યોમાં પોતાનું મજબૂત સ્થાન બનાવી રહ્યું છે. MSME (માઇક્રો, સ્મોલ અને મિડિયમ એન્ટરપ્રાઇઝ) ક્ષેત્રમાં ગુજરાતે નોંધપાત્ર પ્રગતિ કરી છે અને દેશમાં સૌથી વધુ ઉદ્યમ રજીસ્ટ્રેશન ધરાવતા ટોચના 5 રાજ્યોમાં સ્થાન મેળવ્યું છે. હાલમાં રાજ્યમાં 30 લાખથી વધુ MSME એકમો નોંધાયેલા છે, જે રાજ્યની ઉદ્યોગમૈત્રી નીતિઓ અને મજબૂત ઇકોસિસ્ટમનો પરિચય આપે છે.
ખાસ નોંધપાત્ર બાબત એ છે કે દેશના સૌથી વધુ MSME નોંધણી ધરાવતા ટોચના 10 જિલ્લાઓમાં અમદાવાદ અને સુરત જિલ્લાનો સમાવેશ થાય છે. આ બંને જિલ્લાઓ ઉદ્યોગ અને વેપાર માટે મુખ્ય હબ તરીકે ઉભરી રહ્યા છે અને રાજ્યના આર્થિક વિકાસમાં મહત્વપૂર્ણ યોગદાન આપી રહ્યા છે.
રાજ્ય સરકાર દ્વારા અમલમાં મુકાયેલી Atmanirbhar Gujarat Scheme 2022 MSME ક્ષેત્ર માટે ગેમ-ચેન્જર સાબિત થઈ રહી છે. આ યોજના હેઠળ ઉદ્યોગ સાહસિકોને કેપિટલ અને વ્યાજ સહાય, નેટ SGST અને EPF રીઇમ્બર્સમેન્ટ, ERP અને ક્વોલિટી સર્ટિફિકેશન સહાય, ટેક્નોલોજી એક્વિઝિશન અને પેટન્ટ નોંધણી માટે સહાય સહિત વિવિધ પ્રકારની આર્થિક અને માળખાકીય સુવિધાઓ આપવામાં આવે છે.
આ ઉપરાંત, ઉદ્યોગોને વૈશ્વિક સ્તરે સ્પર્ધાત્મક બનાવવા માટે ઔદ્યોગિક પ્રદર્શનો, પ્લોટ-શેડ સહાય અને ભાડા સહાય જેવી યોજનાઓ પણ અમલમાં છે. રાજ્ય સરકારનો હેતુ MSME સેક્ટરને મજબૂત બનાવીને ગુજરાતને ગ્લોબલ મેન્યુફેક્ચરિંગ હબ તરીકે વિકસાવવાનો છે.
ભૂપેન્દ્ર પટેલના દિશાનિર્દેશ હેઠળ અને હર્ષ સંઘવીના માર્ગદર્શન હેઠળ રાજ્ય સરકાર ઉદ્યોગોને સમયસર સહાય પહોંચાડવા માટે પ્રતિબદ્ધ છે. ફેબ્રુઆરી 2026 બાદ MSME એકમોની 5094 ક્લેમ અરજીઓને મંજૂરી આપવામાં આવી છે, જેના અંતર્ગત કુલ ₹2310.91 કરોડની સહાયનું વિતરણ કરવામાં આવ્યું છે.
મોટા ઉદ્યોગોને પણ Gujarat Industrial Policy 2020 અને આત્મનિર્ભર ગુજરાત યોજના હેઠળ સતત પ્રોત્સાહન આપવામાં આવી રહ્યું છે. આ તમામ પ્રયાસોથી ગુજરાત ઉદ્યોગ ક્ષેત્રે નવી ઊંચાઈઓ સર કરી રહ્યું છે અને દેશના આર્થિક વિકાસમાં અગત્યનું યોગદાન આપી રહ્યું છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
