ગુજરાતમાં સ્થાનિક સ્વરાજ્યની સંસ્થાની ચૂંટણી 2026માં ભાજપ (BJP) એ ફરી એકવાર પ્રચંડ અને એકતરફી જીત મેળવી છે. રાજ્યની તમામ 15 મહાનગરપાલિકાઓમાં ભાજપે બહુમતીથી આગળ વધી પોતાનો રાજકીય દબદબો જાળવી રાખ્યો છે.
કુલ 1044 બેઠકો માટે યોજાયેલી આ ચૂંટણીમાં ભાજપે 937 બેઠકો જીતીને ઐતિહાસિક વિજય નોંધાવ્યો છે. જ્યારે કોંગ્રેસ ને 95 બેઠકો મળી છે અને આમ આદમી પાર્ટી માત્ર 6 બેઠકો સુધી સીમિત રહી છે। બાકીની બેઠકો અન્ય ઉમેદવારોના ફાળે ગઈ છે.
મુખ્ય શહેરોમાં ભાજપનો દબદબો
અમદાવાદ મહાનગરપાલિકાની 192 બેઠકોમાંથી ભાજપે 160 બેઠકો જીતી છે, જ્યારે કોંગ્રેસને 32 બેઠકો મળી છે.
સુરતમાં ભાજપે 120માંથી 115 બેઠકો જીતતા પ્રચંડ બહુમતી મેળવી છે.
રાજકોટમાં 72માંથી 65 બેઠકો ભાજપે જીતી છે, જ્યારે કોંગ્રેસને 7 બેઠકો મળી છે.
વડોદરામાં ભાજપે 76માંથી 69 બેઠકો પર વિજય મેળવ્યો છે.
અન્ય શહેરોમાં પરિણામ
- ભાવનગર : 52માંથી 44 ભાજપ, 8 કોંગ્રેસ
- જામનગર : 64માંથી 60 ભાજપ, 2 કોંગ્રેસ, 2 AAP
- વાપી : 52માંથી 37 ભાજપ, 11 કોંગ્રેસ, 4 અપક્ષ
- ગાંધીધામ : 52માંથી 41 ભાજપ, 11 કોંગ્રેસ
- આણંદ – કરમસદ: 52માંથી 43 ભાજપ, 8 કોંગ્રેસ
- મહેસાણા : 52માંથી 47 ભાજપ, 5 કોંગ્રેસ
ક્લીન સ્વીપ અને ભારે બહુમતી
મોરબી અને પોરબંદર મહાનગરપાલિકામાં ભાજપે તમામ 52 બેઠકો જીતીને ક્લીન સ્વીપ કર્યું છે.
નડિયાદ અને સુરેન્દ્રનગરમાં ભાજપે 52માંથી 51 બેઠકો જીતી છે, જ્યારે નવસારી માં 52માંથી 50 બેઠકો જીતવામાં સફળતા મેળવી છે.
AAPને મોટો ઝટકો
2021ની ચૂંટણીમાં ખાસ કરીને સુરતમાં સારો દેખાવ કરનાર આમ આદમી પાર્ટી ને આ વખતે ભારે નુકસાન થયું છે અને તે માત્ર થોડા વિસ્તારોમાં જ સીમિત રહી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
