બિપરજોય વાવાઝોડું જેમ જેમ નજીક આવતું જઈ રહ્યું છે તેમ તેમ ગુજરાત સહિત મોટાભાગના રાજ્યોના લોકોના ધબકારાં વધતા જઈ રહ્યાં છે. આ દરમિયાન ભારતીય હવામાન વિભાગ (IMD)એ તેના તાજેતરના અપડેટમાં જણાવ્યું હતું કે બિપરજોય વાવાઝોડું લગભગ દર કલાકે 5 કિલોમીટર આગળ વધી રહ્યું છે. તે દેવભૂમિ દ્વારકારથી લગભગ 290 કિ.મી.ના અંતરે રહી ગયું છે. 15 જૂનની સાથે તે ગુજરાત સાથે અથડાઈ શકે છે તેવી પૂરેપૂરી શક્યતા છે.
જખૌ બંદરેથી બિપરજોય વાવાઝોડું માત્ર 280 કિલોમીટર દૂર રહી ગયું છે. તેની તીવ્રતા પણ વધી જવાને કારણે ભારતના હવામાન વિભાગે સૌરાષ્ટ્ર અને કચ્છના દરિયા કિનારે રેડ એલર્ટ જાહેર કરી દીધું છે. આ પહેલા ઓરેન્જ એલર્ટ જાહેર કરવામાં આવ્યું હતું.
Cyclone Warning for Saurashtra & Kutch Coasts: RED MESSAGE. VSCS BIPARJOY at 0530IST of today over NE Arabian Sea near lat 21.9N & long 66.3E, about 280km WSW of Jakhau Port (Gujarat), 290km WSW of Devbhumi Dwarka. To cross near Jakhau Port (Gujarat) by evening of 15June as VSCS. pic.twitter.com/DQPh75eXwY
— India Meteorological Department (@Indiametdept) June 14, 2023
વાવાઝોડા બિપરજોયને પગલે આજની કેબિનેટ બેઠક રદ કરવામાં આવી છે તેમજ તમામ મંત્રીઓને સોંપેલા જિલ્લામાં જ રહેવા સૂચના આપવામાં આવી છે. આ ઉપરાંત બિપરજોય વાવાઝોડાને લઈને અદાલતી કાર્યવાહી બાબતે ગુજરાત હાઈકોર્ટે મહત્વનો નિર્ણય કરતા હાઈકોર્ટના એક્ટિંગ ચીફ જસ્ટિસ એ જે દેસાઈના નિર્દેશથી હુકમ બહાર પડાયો છે કે તમામ જિલ્લાના પ્રિન્સિપાલ ડિસ્ટ્રિક્ટ જજ વાવાઝોડાની અસરના સમયે પોતાના જિલ્લાની અદાલતો માટે સ્વયં નિર્ણય લઈ શકશે.
મહારાષ્ટ્રના અનેક ભાગોમાં પણ વાવાઝોડાની અસર જોવા મળી રહી છે. બિપરજોયની ઈફેક્ટને લીધે મુંબઈના લોકપ્રિય સ્થળ મરીન ડ્રાઈવ પર દરિયામાં ઊંચા મોજા ઉછળી રહ્યા છે.
બિપરજોય વાવાઝોડાને પગલે કચ્છમાં દરિયાકાંઠાના 5 કિલોમીટર સુધીના વિસ્તારમાં રહેતા રહેવાશીઓનું સ્થળાંતર કરવામાં આવશે. તંત્રએ આ નિર્ણય લીધો હતો. આ ઉપરાંત બચાવકામગીરી માટ જામનગરથી આર્મીના 78 જવાનો દ્વારકા જવા રવાના થયા હતા.
માહિતી અનુસાર હવામાન વિભાગે જણાવ્યું કે આજે સૌરાષ્ટ્ર, કચ્છ, દેવભૂમિ દ્વારકા, પોરબંદર, રાજકોટ, જામનગર, જૂનાગઢ અને મોરબીમાં અતિભારે વરસાદની શક્યતા છે. જોકે કેટલાક સ્થળોએ હવાથી મધ્યમ વરસાદ અને છુટાછવાયા વરસાદની પણ શક્યતા છે. જ્યારે 15 જૂને પણ આ વિસ્તારોમાં અતિભારે વરસાદ પડવાની શક્યતા છે.
હવામાન વિભાગના બુલેટિન અનુસાર બિપરજોય વાવાઝોડું હવે 5 કિ.મી. પ્રતિકલાકની ઝડપે આગળ વધી રહ્યું છે. કચ્છના જખૌ પોર્ટથી દક્ષિણ પશ્ચિમમાં 290 કિ.મી. દૂર રહી ગયું છે. જ્યારે દેવભૂમિ દ્વારકારથી પશ્ચિમ-દ.પશ્ચિમમાં તે 300 કિ.મી.દૂર છે.
બિપરજોય વાવાઝોડું 15 જૂને ગુજરાતના માંડવી અને પાકિસ્તાનના બંદર શહેર કરાચી વચ્ચે પહોંચશે. તે ગુજરાતમાં સૌરાષ્ટ્ર અને કચ્છમાંથી પસાર થવાનું અનુમાન છે. ભારતીય હવામાન વિભાગે તોફાનને લઈને ઓરેન્જ એલર્ટ જાહેર કર્યું છે.
