કોંગ્રેસના દિવંગત દિગ્ગજ નેતા અને ગાંધી પરિવારના અત્યંત નજીકના ગણાતા અહેમદ પટેલના પુત્ર ફૈઝલ પટેલે સોશિયલ મીડિયા પર કોંગ્રેસથી અલગ થઈને એક ‘નવું ગ્રૂપ’ બનાવવાની વાત કરીને રાજકીય વર્તુળોમાં ખળભળાટ મચાવી દીધો છે. ફૈઝલે દાવો કર્યો હતો કે તેમની બહેન મુમતાઝ પટેલ પણ તેમના સમર્થનમાં છે. જો કે, મુમતાઝ પટેલે તુરંત જ ભાઈના દાવાનું ખંડન કર્યું છે અને સ્પષ્ટ શબ્દોમાં પોતાને આ બાબતથી અલગ કરી લીધા છે.
શું છે સમગ્ર મામલો?
સોશિયલ મીડિયા પર ફૈઝલ પટેલની એક પોસ્ટનો સ્ક્રીનશોટ ઝડપથી વાઇરલ થઈ રહ્યો છે. આ પોસ્ટમાં ફૈઝલે લખ્યું છે કે, ‘હું કોંગ્રેસ પાર્ટીતી અલગ થઈને એક નવું ગ્રૂપ બનાવવાનું વિચારી રહ્યો છે, જેનું નામ ‘કોંગ્રેસ (AP)’ હશે. મારી બહેન મુમતાઝ પટેલ પણ આ ગ્રૂપમાં જોડાઈ શકે છે.’
મુમતાઝ પટેલે હાથ ઊંચા કર્યા, ‘મારો કોઈ ઈરાદો નથી’
ફૈઝલની પોસ્ટ વાઇરલ થયા બાદ મુમતાઝ પટેલે સોશિયલ મીડિયા પ્લેટફોર્મ ‘X’ પર સ્પષ્ટતા કરી હતી કે, ‘હું સ્પષ્ટ કરી દઉં કે મારો કોઈ નવી રાજકીય પાર્ટીમાં જોડાવાનો કે કોઈ નવા ગ્રૂપનો ભાગ બનવાનો કોઈ ઈરાદો નથી. મારા ભાઈના વિચારો અને નિર્ણયો સંપૂર્ણપણે તેમના પોતાના છે. કૃપા કરીને મને આની સાથે ન જોડો, આભાર.’
Just to clarify …I have no plans to join any new political party or be part of any new initiative. My brother’s views and decisions are entirely his own. Please do not link me to this. Thank you 🙏
— Mumtaz Patel (@mumtazpatels) November 29, 2025
પાર્ટી અને પરિવાર વચ્ચે મતભેદ?
આ ઘટના એવા સમયે સામે આવી છે જ્યારે કોંગ્રેસ પાર્ટી અન્ય રાજ્યોમાં આંતરિક કલહ અને ચૂંટણી હારનો સામનો કરી રહી છે. અહેમદ પટેલ પાર્ટીના સંકટમોચક ગણાતા હતા અને પાર્ટીને અનેક મુશ્કેલ ચૂંટણીઓમાં જીત અપાવી હતી. તેમના નિધન બાદ તેમનો પરિવાર કોંગ્રેસ સાથે જોડાયેલો રહ્યો છે, પરંતુ ફૈઝલની તાજેતરની પોસ્ટ અને બહેન દ્વારા કરવામાં આવેલું ખંડન એ સંકેત આપે છે કે કદાચ પરિવાર અને પાર્ટીને લઈને આંતરિક મતભેદો ચાલી રહ્યા છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
