અંબાલાલ પટેલનું વધુમાં કહેવું છે કે, ભાવનગર, જૂનાગઢ, ભરુચ, સુરત, અમદાવાદ,ગાંધીનગરમાં વરસાદી ઝાપટાની આગાહી કરવામાં આવી છે સાથે સાથે ઉત્તર અને મધ્ય ગુજરાતમાં માવઠાની આગાહી કરવામાં આવી છે, હજુ 2 દિવસ કમોસમી વરસાદની અંબાલાલ પટેલની આગાહી છે, સૌરાષ્ટ્રના દરિયા કાંઠે ભારે કમોસમી વરસાદની શક્યતા રહેલી છે.
ભરુચ અને સુરતમાં ભારે વરસાદ પડી શકે : અંબાલાલ પટેલ
અંબાલાલ પટેલનું વધુમાં કહેવું છે કે, નવેમ્બરના બીજા સપ્તાહમાં અતિભારે વરસાદ વરસી શકે છે, બંગાળના ઉપસાગરમાં ભારે ચક્રવાત થવાની શક્યતા છે જેના કારણે વરસાદ વરસી શકે છે, ડિસેમ્બરની શરુઆતમાં ઠંડી પડવાની આગાહી કરવામાં આવી છે અને 27 ડિસેમ્બરથી ઠંડીનો ચમકારો વધશે સાથે સાથે ઉત્તરાયણ બાદ ઠંડા પવનો હાડ થીજવશે. દક્ષિણ ગુજરાતના ભાગોમાં ભારેથી અતિભારે વરસાદની શક્યતા રહેશે અને નદીઓમાં પૂર પણ આવી શકે છે.
મધ્ય ગુજરાતના ભાગોમાં પણ વરસાદની આગાહી : અંબાલાલ પટેલ
અંબાલાલ પટેલનું વધુમાં કહેવું છે કે, આગામી 12 કલાકમાં મધ્ય ગુજરાતના ભાગો અને અમદાવાદ, ગાંધીનગરના ભાગોમાં વરસાદ થવાની શક્યતા રહેશે અને કચ્છના ભાગોમાં વરસાદ થવાની શક્યતા રહેશે અને બનાસકાંઠાના કેટલાક ભાગોમાં ભારે વરસાદ થવાની શક્યતા રહેશે, સાથે સાથે સાબરકાંઠા, અરવલ્લી અને પંચમહાલના ભાગોમાં પણ વરસાદ થવાની શક્યતા રહેશે અને વિષમ હવામાનની વિપરીત અસરથી મસાલાના પાકો જીરાના પાકોમાં રોગ આવવાની શક્યતા રહેશે અને નવેમ્બરના બીજા સપ્તામાં દક્ષિણ ભારતમાં ભારેથી અતિભારે વરસાદ થવાની શક્યતા રહેશે.
બીજા સપ્તા બાદ બંગારના ઉપસાગરમાં ભારે ચક્રવાત થવાની શક્યતા રહેશે : અંબાલાલ પટેલ
તારીખ 4/થી 8 નવેમ્બરમાં ઉતર ભારતમાં પશ્ચિમી વિક્ષેપ આવવાની શક્યતા રહેશે જેના કારણે ગુજરાતના હવામાન પર અસર થઈ શકે છે અને ડિસેમ્બરની શરૂઆતમાં ઠંડી આવવાની શક્યતા રહેશે, પરંતુ હાડ થીજવતી ઠંડી 22 ડિસેમ્બરની આસપાસ આવી શકે છે, દેશના ઉત્તરીય પ્રદેશોમાં હિમચાદર ફેલાઈ જશે અને 27 ડિસેમ્બરથી ઠંડીનો ચમકારો વધશે.
22 ડિસ્મેબરથી 12 ફેબ્રુઆરી સુધી ઠંડી પડશે : અંબાલાલ પટેલ
અંબાલાલ પટેલનું કહેવું છે કે, 22 ડિસ્મેબરથી 12 ફેબ્રુઆરી સુધી ઠંડી પડશે અને લઘુતમ તાપમાન 8 ડિગ્રીથી પણ નીચું જશે, નવેમ્બરમાં પશ્ચિમી વિક્ષેપની શક્યતા રહેલી છે અને વિક્ષેપના કારણે ન્યૂનતમ-મહત્તમ તાપમાન ઘટશે, 22 ડિસેમ્બર દરમિયાન દેશના ઉત્તરીય પ્રદેશોમાં હિમવર્ષા થઈ શકે છે, આ વખતે હાડ થીજવતી ઠંડી દેશભરમાં પડવાની શકયતા છે અને દિવાળીના સમય દરમિયાન પ્રોપર ઠંડી બેસી જશે અને તેનો અહેસાસ શહેરીજનોને થઈ શકે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
