દેશના લોકપ્રિય ગાયક ઝુબીન ગર્ગના અચાનક અવસાનથી સમગ્ર સંગીત જગત અને ચાહકોમાં ભારે શોક અને અવિશ્વાસનું વાતાવરણ છે. 51 વર્ષીય ઝુબીન ગર્ગનું 19 સપ્ટેમ્બરે સિંગાપુરમાં સ્કુબા ડાઇવિંગ દરમિયાન અકસ્માતને કારણે અવસાન થયું હતું. ઝુબીન ગર્ગ માત્ર આસામ જ નહીં, પરંતુ સમગ્ર દેશના સંગીતપ્રેમીઓના દિલમાં ખાસ સ્થાન ધરાવતા હતા. તેમના અચાનક વિદાયથી ઉત્તર-પૂર્વ ભારતમાં એક ખાલીપણું ઉભું થયું છે.
આ ઘટનાની ગંભીરતા ધ્યાનમાં રાખીને આસામ સરકારે તાત્કાલિક તપાસ શરૂ કરવાનો નિર્ણય લીધો છે. મુખ્યમંત્રી હિમંત બિસ્વા સરમાએ જણાવ્યું કે રાજ્ય સરકાર સમગ્ર ઘટના પરિસ્થિતિની સુક્ષ્મ તપાસ કરશે. ખાસ કરીને, ગર્ગની હાજરીમાં રહેલા લોકો અને કાર્યક્રમ આયોજકોની ભૂમિકા પર પ્રશ્નો ઊભા થતા સરકારએ આ મુદ્દાને ગંભીરતાથી લીધો છે. નોર્થ ઈસ્ટ ઇન્ડિયા ફેસ્ટિવલના મુખ્ય આયોજક શ્યામકાનુ મહંત અને ગાયકના મેનેજર સિદ્ધાર્થ શર્મા સામે મોરીગાંવ પોલીસ સ્ટેશનમાં FIR નોંધાઈ છે.
મુખ્યમંત્રીએ X પર પોસ્ટ કરી સ્પષ્ટ કર્યું કે ગર્ગના અકાળ અવસાન સંબંધિત અનેક FIR પહેલેથી જ નોંધાઈ ચૂકી છે અને તમામ કેસોને એક સંકલિત રૂપ આપવા CIDને સોંપવામાં આવ્યા છે. તેમણે રાજ્યના પોલીસ વડાને પણ સૂચના આપી છે કે કેસની પારદર્શક અને નિષ્પક્ષ તપાસ થાય અને દરેક પરિસ્થિતિની સાચી હકીકત બહાર આવે.
Multiple FIRs have been filed against Shri Syamkanu Mahanta and Shri Sidharth Sarma in connection with the unfortunate and untimely demise of our beloved Zubeen Garg. I have directed the @DGPAssamPolice to transfer all the FIRs to the CID and to register a consolidated case for a…
— Himanta Biswa Sarma (@himantabiswa) September 20, 2025
તે ઉપરાંત, મુખ્યમંત્રીએ સિંગાપુરના હાઈકમિશનર સાથે સંપર્ક કરી ઘટના અંગે વિસ્તૃત તપાસ કરવાની વિનંતી કરી છે. તેમણે સ્પષ્ટ કર્યું કે ઘટનાસ્થળ ભારતની બહાર હોવાથી ત્યાંના કાયદાકીય અને અપરાધીય પાસાઓ સિંગાપુર સરકાર તપાસશે, પરંતુ જો આસામમાંથી ગાયકને ખોટા ઈરાદાથી કે બેદરકારીપૂર્વક કાર્યક્રમ માટે લઈ જવાયા હોય તો તેની જવાબદારી રાજ્ય સરકાર પોતાની તપાસ દ્વારા નિર્ધારિત કરશે.
ઝુબીન ગર્ગના અવસાનને લઈને આસામ જ નહીં, પરંતુ સમગ્ર દેશ અને વિદેશમાં રહેલા તેમના ચાહકો શોકમગ્ન છે. તેમના ગીતો અને સંગીત વારસો હંમેશા જીવંત રહેશે, પરંતુ તેમના અચાનક ગુમાવાથી સંગીત જગતમાં જે ખાલી જગ્યા ઉભી થઈ છે તેને પૂરવી મુશ્કેલ છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
