ઉત્તર પ્રદેશના બારાબંકી જિલ્લામાં આવેલી પ્રસિદ્ધ દેવા શરીફ દરગાહમાં ધાર્મિક તણાવ સર્જાય એવી ઘટના સામે આવી છે. અહીં એક હિંદુ યુવાનને માથા પર તિલક લગાવેલું હોવાના કારણે મારપીટ કરાઈ હોવાનો આરોપ છે. ઘટનાનો વીડિયો સોશિયલ મીડિયામાં વાયરલ થયા બાદ પોલીસે તાત્કાલિક સંજ્ઞાન લઈને કેસ નોંધ્યો છે અને એક આરોપીને કસ્ટડીમાં લીધો છે.
શું છે સમગ્ર ઘટના?
માહિતી અનુસાર દેવા કસબાના નગર કોટવાલી વિસ્તારના દશહેરાબાગ વોર્ડના રહેવાસી હરીશ શર્મા પોતાની પાડોશી મુસ્લિમ મહિલા આયશા બાનો સાથે દરગાહ પર ચાદર ચઢાવવા ગયા હતા. આયશા બાનો દરગાહની અંદર ગયા ત્યારે હરીશ બહાર ઉભા હતા. આ દરમિયાન કેટલાક મુસ્લિમ દુકાનદારોમાંથી એકે તેમને અપમાનજનક રીતે સંબોધન કરીને રોક્યા અને થપ્પડ માર્યાનો આરોપ છે.
પીડિતના જણાવ્યા અનુસાર આરોપીઓએ જબરદસ્તી તેમને પકડીને નજીકની દુકાનમાં લઈ ગયા અને માથા પર લગાવેલા તિલકને પાણી નાખીને ભૂંસી નાખ્યું. સાથે જ તેમની સાથે અભદ્ર વર્તન અને મારપીટ પણ કરવામાં આવી હોવાનો દાવો છે.
Hariish Sharma was assaulted and had his tilak forcibly removed outside Deva Sharif Dargah in Barabanki, UP.
The Hindu youth had accompanied his Muslim neighbour woman to offer chadar at the dargah.
A Muslim shopkeeper called him “Oye pandit”, slapped him, dragged him to a… pic.twitter.com/1KhpyZqofD
— Angry Saffron (@AngrySaffron) February 6, 2026
વાયરલ વીડિયો બન્યો ચર્ચાનો વિષય
સોશિયલ મીડિયામાં વાયરલ થયેલા વીડિયોમાં એક વ્યક્તિ પીડિતને ગળું પકડીને ઘસડતો જોવા મળે છે અને પછી તેના માથા પર પાણી નાખતો દેખાય છે. આ વીડિયો સામે આવ્યા બાદ સમગ્ર ઘટનાને લઈને ચર્ચા વધી ગઈ છે.
આયશા બાનોએ પણ પોલીસ સમક્ષ પુષ્ટિ કરી છે કે તેમના સાથે આવેલા હિંદુ યુવાન સાથે દુકાનદારે મારપીટ કરી હતી અને તિલક જબરદસ્તી હટાવવામાં આવ્યું હતું.
પોલીસની કાર્યવાહી
પોલીસ અધિકારી અજય કુમાર ત્રિપાઠીએ જણાવ્યું કે પીડિતની ફરિયાદના આધારે સંબંધિત કલમોમાં કેસ નોંધવામાં આવ્યો છે. અત્યાર સુધીમાં એક આરોપીને કસ્ટડીમાં લેવામાં આવ્યો છે અને વાયરલ વીડિયો સહિત તમામ પુરાવાની તપાસ ચાલી રહી છે. પોલીસના જણાવ્યા મુજબ તપાસ પૂર્ણ થયા બાદ દોષિત સામે કડક કાયદેસરની કાર્યવાહી કરવામાં આવશે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
