પશ્ચિમ એશિયામાં વધતા તણાવ વચ્ચે બુધવારે હોર્મુઝની સામુદ્રધુની નજીક એક કાર્ગો જહાજ પર ભીષણ હુમલો થયો હતો. આ જહાજ સંયુક્ત આરબ અમીરાતમાંથી નીકળીને ભારતના કંડલા બંદર તરફ આવી રહ્યું હતું. હુમલામાં જહાજને ભારે નુકસાન થયું હતું, જોકે ક્રૂ મેમ્બરોને બચાવી લેવામાં સફળતા મળી હતી.
પ્રારંભિક માહિતી મુજબ આ કાર્ગો જહાજ થાઈલેન્ડનું હતું અને વેપાર માટે માલ લઈને ભારત આવી રહ્યું હતું. ઘટના પછી આંતરરાષ્ટ્રીય સ્તરે શિપિંગ સુરક્ષા અંગે ચિંતા વધતી જોવા મળી રહી છે.
ભારતે વ્યક્ત કરી ચિંતા અને કરી નિંદા
આ ઘટનાને લઈને વિદેશ મંત્રાલયએ સત્તાવાર નિવેદન જાહેર કર્યું છે. મંત્રાલયના પ્રવક્તા રણધીર જયસ્વાલએ જણાવ્યું કે ભારતને કંડલા બંદર તરફ આવી રહેલા થાઈ કાર્ગો જહાજ પર હુમલાના અહેવાલો મળ્યા છે.
તેમણે જણાવ્યું કે પશ્ચિમ એશિયામાં ચાલતા સંઘર્ષ વચ્ચે કમર્શિયલ જહાજોને નિશાન બનાવવામાં આવી રહ્યા છે, જે ગંભીર ચિંતા નો વિષય છે. આવા હુમલાઓમાં ભારતીય નાગરિકો સહિત અનેક નિર્દોષ લોકોના જીવ જોખમમાં મુકાઈ રહ્યા છે.
ભારતે વધુમાં કહ્યું કે કમર્શિયલ જહાજોને નિશાન બનાવીને ક્રૂ મેમ્બરો અને નિર્દોષ નાગરિકોના જીવ જોખમમાં મૂકવાની પ્રવૃત્તિઓ તરત બંધ થવી જોઈએ. આંતરરાષ્ટ્રીય વેપાર માટે મહત્વપૂર્ણ દરિયાઈ માર્ગો પર આવી ઘટનાઓ વૈશ્વિક સપ્લાય ચેઇન અને વેપાર માટે પણ ખતરનાક બની શકે છે.
Statement regarding ship bound for Kandla, India ⬇️
🔗 https://t.co/CdtmMXAdPY pic.twitter.com/xVK9AymYn2
— Randhir Jaiswal (@MEAIndia) March 11, 2026
ઓમાન નેવી અને થાઈ નેવીની બચાવ કામગીરી
હુમલા બાદ ઓમાનની રોયલ નેવીએ તરત જ બચાવ કામગીરી શરૂ કરી હતી. આ ઓપરેશન દરમિયાન 20 ક્રૂ મેમ્બરોને સુરક્ષિત રીતે બચાવી લેવામાં આવ્યા હતા, જ્યારે ત્રણ સભ્યો થોડા સમય માટે જહાજમાં ફસાયેલા રહ્યા હતા.
પછી રોયલ થાઈ નેવી પણ બચાવ કામગીરીમાં જોડાઈ હતી અને ક્રૂ સભ્યોને સુરક્ષિત બહાર કાઢવામાં મદદ કરી હતી. આ હુમલાની જવાબદારી હજુ સુધી કોઈ સંગઠન કે દેશે સ્વીકારી નથી. જોકે પ્રારંભિક માહિતીના આધારે શંકાની સોય ઈરાન તરફ ફરી રહી હોવાનું કહેવાઈ રહ્યું છે. હાલમાં પશ્ચિમ એશિયામાં વધતા તણાવ અને દરિયાઈ માર્ગોની સુરક્ષા અંગે આંતરરાષ્ટ્રીય સ્તરે ચર્ચા વધી રહી છે.
સ્ટ્રેટ ઑફ હોર્મુઝ વિશ્વના સૌથી વ્યસ્ત અને વ્યૂહાત્મક દરિયાઈ માર્ગોમાંનો એક છે. મધ્યપૂર્વમાંથી વિશ્વના ઘણા દેશોમાં જતું મોટાભાગનું તેલ અને ગેસ આ જ માર્ગ દ્વારા પસાર થાય છે. આ કારણે અહીં બનતી કોઈપણ સુરક્ષા ઘટના વૈશ્વિક ઊર્જા બજાર અને આંતરરાષ્ટ્રીય વેપાર પર સીધી અસર કરી શકે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
