લોકસભામાં અત્યારે શિયાળુ સત્ર ચાલી રહ્યું છે. આજે લોકસભામાં ભારતીય જનતા પાર્ટીના સાંસદ અનુરાગ ઠાકુરે તૃણમૂલ કોંગ્રેસના સાંસદ પર ગંભીર આરોપ લગાવ્યો. અનુરાગ ઠાકુરે સંસદમાં નામ લીધા વિના કહ્યું કે તૃણમૂલ કોંગ્રેસના સાંસદ લોકસભામાં બેસીને ઈ-સિગારેટ પીવે છે.
તૃણમૂલ કોંગ્રેસના સાંસદ પર ઈ સિગારેટ પીવાનો આરોપ
અનુરાગ ઠાકુરે સ્પીકર ઓમ બિરલાને સવાલ પૂછ્યો કે, ‘દેશભરમાં ઈ-સિગારેટ પર પ્રતિબંધ છે. શું તમે કોઈને સદનમાં પીવાની છૂટ આપી છે?’
સ્પીકરે જવાબમાં કહ્યું, ‘ના, સંસદમાં કોઈને આવી અનુમતિ નથી.’
Delhi: BJP MP Anurag Thakur says, "I want to raise a question regarding the system. E-cigarettes are banned across the entire country have they been allowed inside Parliament? Some TMC MPs have been sitting and using e-cigarettes for several days. This is a matter concerning the… pic.twitter.com/fQx2JTuz6L
— IANS (@ians_india) December 11, 2025
અનુરાગ ઠાકુરે કહ્યું, ‘સર, TMCના સાંસદ સતત અહિયાં બેસીને ઘણા દિવસથી ઈ-સિગારેટ પીવે છે. તમે ચેક કરાવો સર.’
સ્પીકરે કહ્યું, ‘હું તમામ સાંસદોને અનુગ્રહ કરું છું કે આપણે નિયમોનું પાલન કરવું જોઈએ. આવો કોઈ વિષય મારી પાસે આવશે તો નિશ્ચિતરૂપે કાર્યવાહી કરીશું.’
નોંધનીય છે કે ભારતમાં ઈ-સિગારેટ પર સંપૂર્ણ પ્રતિબંધ છે. ભારતમાં ઈ-સિગારેટના ઉત્પાદન, વેચાણ, આયાત, નિકાસ કે જાહેરાત પર પ્રતિબંધ છે તથા આવું કરવા પર દંડ તથા જેલની સજાની જોગવાઈ છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
