જમ્મુ-કાશ્મીરના શ્રીનગરના નૌગામ પોલીસ સ્ટેશનમાં 14 નવેમ્બરની રાત્રે સવા અગિયાર વાગ્યે થયેલો ભયંકર વિસ્ફોટ એક દુર્ઘટનાજનક ઘટના તરીકે સામે આવ્યો છે. આ વિસ્ફોટમાં અત્યાર સુધી 9થી 10 લોકોનાં મોત થયાં છે, જ્યારે 27થી વધુ લોકો ઘાયલ થયા છે. પોલીસ અને તપાસ એજન્સીઓએ સ્પષ્ટ કર્યું છે કે આ કોઈ આતંકી હુમલો નહોતો, પરંતુ ફરીદાબાદમાંથી જપ્ત કરાયેલા એમોનિયમ નાઈટ્રેટના ખોટા અથવા અયોગ્ય હેન્ડલિંગને કારણે થયેલો અકસ્માત હતો. જપ્ત વિસ્ફોટક પદાર્થ હજારો કિલોમાં હતો અને તે જૈશ-એ-મોહમ્મદ તથા ગઝવત-ઉલ-હિંદ સાથે જોડાયેલા ‘વ્હાઈટ હેડ ટેરર મોડ્યુલ’ પાસેથી મળી આવ્યો હતો. આ નેટવર્કમાં ફરીદાબાદની અલ ફલાહ યુનિવર્સિટી સાથે જોડાયેલા કેટલાક કાશ્મીરી ડૉક્ટર્સ મુખ્ય ભૂમિકા ભજવી રહ્યા હોવાનું બહાર આવ્યું છે.
Just in:
Explosion at the Nowgam Police Station of Srinagar, J&K. The police station was key to the recent anti-terror investigation. pic.twitter.com/aOv2NbXQvi
— Sidhant Sibal (@sidhant) November 14, 2025
વિસ્ફોટ સમયે FSL (ફોરેન્સિક સાયન્સ લેબોરેટરી)ની ટીમ, DSP રેન્કના અધિકારી, તહસીલદાર, અને પોલીસ કર્મચારીઓ સહિત લગભગ 50 લોકો પોલીસ સ્ટેશનમાં હાજર હતા અને વિસ્ફોટકના નમૂના લઈને તપાસ કરી રહ્યા હતા. તે દરમ્યાન અચાનક વિસ્ફોટ થયો અને પોલીસ સ્ટેશનનો મોટો ભાગ ધરાશાયી થઈ ગયો. પાર્કિંગમાં ઊભેલા અનેક વાહનોને પણ આગ લાગી હતી. અકસ્માતમાં એક પોલીસ ઈન્સ્પેક્ટર સહિત ફોરેન્સિક વિભાગના અનેક કર્મચારીઓનાં મોત થયા છે અને ઘણા ગંભીર રીતે ઘાયલ થયા છે. ઘાયલોને તાત્કાલિક આર્મીના 92 બેઝ હોસ્પિટલ અને SKIMS હોસ્પિટલમાં દાખલ કરવામાં આવ્યા છે.
The road leading to #Nowgam police station in Srinagar has been sealed off following last night's explosion that left at least 9 dead and over two dozen injured.
Photography by Mubashir Khan for Greater Kashmir pic.twitter.com/UCnbH5et7l
— Greater Kashmir (@GreaterKashmir) November 15, 2025
જમ્મુ-કાશ્મીર પોલીસે સ્પષ્ટ કર્યું છે કે આ ઘટનાનો આતંકવાદીઓ સાથે કોઈ સીધો સંબંધ નથી અને તે સંપૂર્ણપણે જપ્ત વિસ્ફોટક પદાર્થના ખોટા હેન્ડલિંગથી થયેલો વિસ્ફોટ છે. ઘટનાના બાદ સમગ્ર વિસ્તારને પોલીસ અને CRPF દ્વારા ઘેરી લેવાયો છે અને સુરક્ષા વધારી દેવામાં આવી છે. તંત્ર દ્વારા ઘટનાની વિગતવાર તપાસ ચાલુ છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
