ગુજરાત વિધાનસભાના સત્રનો 22મો દિવસ છે, અને આજે વિધાનસભા ગૃહમાં સમાન નાગરિક સંહિતા (UCC – Uniform Civil Code) બિલ રજૂ કરવામાં આવ્યું છે. નાયબ મુખ્યમંત્રી હર્ષ સંઘવીએ સોશિયલ મિડિયામાં પોસ્ટ કરીને જણાવ્યું હતું કે, “આજના દિવસે સમાન નાગરિક સંહિતા બિલ ગૃહમાં લાવીશું. સમાનતાનો સંકલ્પ અને સંવિધાનનું સન્માન છે.”
#WATCH | Gandhinagar, Gujarat: On Uniform Law for Women in Gujarat, Deputy CM Harsh Sanghavi says, "… The Gujarat Assembly is set to present the Uniform Civil Code (UCC) Bill, aimed at protecting the rights and interests of women. This historic legislation seeks to ensure equal… pic.twitter.com/i5UTZNqlyp
— ANI (@ANI) March 24, 2026
મુખ્યમંત્રી ભૂપેન્દ્ર પટેલ દ્વારા UCC બિલ રજૂ
મુખ્યમંત્રી ભૂપેન્દ્ર પટેલએ વિધાનસભામાં UCC બિલ રજૂ કર્યો, જેના પડકારમાં ધારાસભ્યોએ પાટલી થપથપાવી અને જય શ્રી રામના નારા લગાવ્યા. હર્ષ સંઘવી દ્વારા ભારત માતાની જયના નારા પણ લગાવાયા. આ પગલાં સાથે ઉત્તરાખંડ પછી ગુજરાત બીજુ રાજ્ય બની ગયું છે, જે UCC બિલ પસાર કરનારું છે.
એક ભારત, શ્રેષ્ઠ ભારત – મુખ્યમંત્રી ભૂપેન્દ્ર પટેલ સંદેશ
મુખ્યમંત્રી ભૂપેન્દ્ર પટેલે જણાવ્યું કે, “આ ઐતિહાસિક ક્ષણ છે. સરદાર પટેલે રજવાડાઓનું વિલિનિકરણ કર્યું હતું, પરંતુ દેશમાં બે વિધાન અને બે નિશાન રહ્યા. નરેન્દ્ર મોદીની સરકાર બાદ 370ની કલમ હટાવવામાં આવી. હવે એક ભારત, શ્રેષ્ઠ ભારતની કલ્પના સાથે આગળ વધવું જોઈએ. સમાનતાના અમૃત સમાન UCC આપવાનો નિર્ણય કરાયો છે. દેશભરમાં રામ મંદિર, ત્રિપલ તલાક જેવા સુધારા પણ કરવામાં આવ્યા છે.”
ગુજરાતના તમામ નાગરિકો માટે સમાન કાયદા
મુખ્યમંત્રીએ કહ્યું કે, “ધર્મ અલગ હોઈ શકે છે, પરંતુ ન્યાય એક જ હોવો જોઈએ. ગુજરાતના તમામ નાગરિકો માટે આ બિલ લાવવામાં આવ્યું છે, જેમાં કોઈ ભેદભાવનો અવકાશ નથી. મહિલાઓની સમાન ભાગીદારી સુનિશ્ચિત રહેશે અને સામાજિક સમરસતા માટે મહત્વપૂર્ણ છે. લગ્ન, છુટાછેડા અને વારસો માટે કાયદાની ઘડતર રાજય સરકારના કક્ષાએ થશે. આ બિલ ચાર ભાગમાં તૈયાર કરવામાં આવ્યો છે, જેમાં ભાગ એક અને બેમાં કુલ સાત પ્રકરણો છે.”
નાયબ મુખ્યમંત્રી હર્ષ સંઘવીનું નિવેદન
નાયબ મુખ્યમંત્રી હર્ષ સંઘવીએ કહ્યું, “આજનો દિવસ ઈતિહાસમાં સોનેરી દિવસ છે. 1947માં આઝાદી મળી અને ત્યારથી નિયમો સમાજ અને ધર્મ આધારિત રહ્યા છે. સૌથી વધુ નુકસાન માતા અને બહેનોને થયું છે. હવે દેશના દરેક નાગરિક માટે એકસરખા નિયમ લાવવાનો સમય આવ્યો છે. UCC કોઈ એક ધર્મ માટે નથી, પરંતુ બધા ધર્મ માટે સમાન છે. ગુજરાત બીજુ રાજ્ય બન્યું છે, જે આ બિલ પસાર કરી રહ્યું છે. મુખ્યમંત્રી ભૂપેન્દ્ર પટેલને હું દિલથી અભિનંદન આપું છું.”
રાજ્ય સરકારની તૈયારી
ગુજરાત સરકારે યુનિફોર્મ સિવિલ કોર્ડ માટે 2025માં કમિટી રચી હતી, જેને એક વર્ષમાં વિવિધ અભિપ્રાયો અને જાણકારીઓ મળી. તાજેતરમાં આ કમિટીએ મુખ્યમંત્રી ભૂપેન્દ્ર પટેલને ફાઈનલ રિપોર્ટ સોંપ્યો. ત્યારબાદ કામકાજ સલાહકાર સમિતિની બેઠક યોજી અને વિધાનસભામાં બિલ રજૂ કરવા માટે તમામ તૈયારીઓ કરી.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
