દિલ્હીના લાલ કિલ્લા પાસે થયેલા વિસ્ફોટની તપાસ દરમ્યાન અલ ફલાહ યુનિવર્સિટી ફરી એકવાર કાયદાકીય તપાસના કટઘરામાં આવી છે. દિલ્હી પોલીસ ક્રાઈમ બ્રાન્ચે UGCની ફરિયાદના આધારે યુનિવર્સિટી સામે બે અલગ FIR નોંધાવી છે—એક છેતરપિંડી અને બીજી દસ્તાવેજોમાં ખોટી માહિતી તથા ફ્રોડ્યુલન્ટ પ્રેક્ટિસિસ સંબંધિત. UGCએ આરોપ મૂક્યો છે કે યુનિવર્સિટી દ્વારા માન્ય પ્રોસેસ અને ધોરણોનું પાલન ન થવાથી વિદ્યાર્થીઓના ભવિષ્ય પર ગંભીર અસર પડી શકે છે. આ FIRઓના આધારે ક્રાઈમ બ્રાન્ચે યુનિવર્સિટીને નોટિસ મોકલી છે અને જરૂરી દસ્તાવેજો રજૂ કરવા કહ્યું છે. આ કેસ વધુ ગંભીર બન્યો છે કારણ કે દિલ્હી વિસ્ફોટનો મુખ્ય આરોપી ઉમર ઉન નબી આ જ યુનિવર્સિટીની હોસ્પિટલમાં ડૉક્ટર તરીકે કામ કરતો હતો.
The Delhi Crime Branch has filed two separate FIRs against Al-Falah University, one for cheating and the second under sections of forgery. Today, a team from the Delhi Crime Branch visited the Al Falah University office in Okhla. The Delhi Police has issued a notice to the…
— ANI (@ANI) November 15, 2025
તપાસ હેઠળ ક્રાઈમ બ્રાન્ચની ટીમે ઓખલા સ્થિત યુનિવર્સિટીના મુખ્યાલય પર દરોડા પાડ્યા અને વહીવટી અધિકારીઓની પૂછપરછ કરી. તપાસકર્તાઓએ બિલ્ડીંગ 17ના રૂમ નં. 13ને આતંકવાદીઓનું ‘મેઇન ઓપરેશન રૂમ’ ગણાવ્યો છે, જ્યાં વિસ્ફોટકો એકત્રિત કરવા, હુમલાનું કાવતરું ઘડવા અને બેઠક કરવા જેવી પ્રવૃત્તિઓ ચાલતી હતી. આરોપી ડૉ. ઉમર સહિત કેટલાક પ્રોફેસરો પણ આ રૂમમાં હાજર રહેતા હોવાનો ખુલાસો થયો છે. લાલ કિલ્લા બ્લાસ્ટમાં અત્યાર સુધી 13 લોકોનાં મોત અને 20થી વધુ ઘાયલ થયા હતા, જેને કારણે તપાસ દેશવ્યાપી સ્તરે વિસ્તરી છે.
The Delhi Crime Branch has filed two separate FIRs against Al-Falah University, one for cheating and the second under sections of forgery. Today, a team from the Delhi Crime Branch visited the Al Falah University office in Okhla. The Delhi Police has issued a notice to the…
— ANI (@ANI) November 15, 2025
તપાસમાં વધુમાં જાણવા મળ્યું છે કે યુનિવર્સિટીના કેટલાક ડોકટરો આતંકી નેટવર્ક સાથે સીધા સંકળાયેલા હતા અને યુપીમાં કાશ્મીરી મૂળના કેટલાક મેડિકલ પ્રોફેશનલ્સ પણ આ નેટવર્કનો ભાગ હોઈ શકે છે. NAACએ તેની વેબસાઇટ પર ખોટા એક્રેડિટેશનના દાવા કરવા બદલ યુનિવર્સિટીને કારણદર્શક નોટિસ આપી છે, જેના પગલે યુનિવર્સિટીની વેબસાઇટ તાત્કાલિક બંધ કરી દેવામાં આવી છે. સુરક્ષા એજન્સીઓ યુનિવર્સિટીના નાણાકીય રેકોર્ડ અને ફંડિંગ સ્રોતોની પણ તપાસ કરી રહી છે, કારણ કે પૈસા આતંકવાદી પ્રવૃત્તિઓ સાથે જોડાયેલા હોવાની શંકા છે. તપાસ આગળ વધતા વિદ્યાર્થીઓમાં પણ ડરનું માહોલ છે અને ઘણા વિદ્યાર્થીઓ યુનિવર્સિટી છોડતા જોવા મળી રહ્યા છે. સમગ્ર કેસ હવે રાષ્ટ્રીય સુરક્ષાથી જોડાયેલું મહત્વનું મુદ્દો બની ગયો છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
