દિલ્હીના લાલ કિલ્લા નજીક થયેલા બ્લાસ્ટનો મુખ્ય આરોપી ઉમર નબી ફરી એક વાર ચર્ચામાં આવ્યો છે, કારણ કે તેનો એક નવો ઉશ્કેરણીજનક વિડીયો વાયરલ થયો છે. આ વિડીયોમાં ઉમર અંગ્રેજીમાં વાત કરે છે અને આત્મઘાતી બોમ્બ ધમાકાઓને ‘સ્યુસાઇડ બૉમ્બિંગ’ નહીં પરંતુ ‘ઇસ્લામમાં શહાદત અભિયાન’ તરીકે રજૂ કરે છે. ઉમર પોતાના સંદેશામાં યુવાનોને માનસિક રીતે પ્રભાવિત કરવા અને આતંકી પ્રવૃત્તિઓમાં જોડાવા માટે પ્રેરિત કરતો દેખાય છે.
વિડીયો એક બંધ ઓરડામાં રેકોર્ડ થયો હોવાનું જણાય છે, જેમાં ઉમર એકલો જ બેઠો હોઈ શાંતિપૂર્વક પોતાના વિચારો રજૂ કરે છે. તે કહે છે કે લોકો આત્મઘાતી બોમ્બ વિસ્ફોટને ખોટો અર્થ આપે છે, જ્યારે ઇસ્લામમાં તેને શહાદત અભિયાન તરીકે માનવામાં આવે છે. તે આગળ કહે છે કે આવા હુમલાઓની વિરુદ્ધ લોકો ઘણા વિરોધાભાસી તર્ક આપે છે, પરંતુ જે વ્યક્તિ આવા અભિયાનમાં જોડાય છે, તેને પોતાના મૃત્યુનો સમય અને સ્થાન ‘નસીબમાં લખાયેલું’ લાગે છે. ઉમર વિડીયોના અંતમાં “મૃત્યુથી ડરશો નહીં” જેવા ઉશ્કેરણીજનક સંદેશ આપીને આતંકી વિચારધારા ફેલાવવાનો પ્રયાસ કરે છે.
दिल्ली लाल किले पर आत्मघाती हमले से ठीक पहले आतंकी उमर ने रिकॉर्ड किया था वीडियो !
खुद को फोड़ने से कुछ देर पहले आतंकी उमर ने अंग्रेजी में फर्राटेदार वीडियो रिकॉर्ड किया।
अच्छी पढ़ा-लिखा, अमीर, सेटल्ड जिंदगी… फिर भी धर्म के नाम पर खुद को उड़ाना चुना।
अगर ये आंखें नहीं… pic.twitter.com/CTEZjq4wso
— One India News (@oneindianewscom) November 18, 2025
તેની અંગ્રેજી બોલવાની રીત અને ઉચ્ચારણ પરથી લાગે છે કે તેણે આ વિડીયો ખાસ યુવાનોને લક્ષિત કરીને બનાવ્યો છે, તેમની માનસિકતા પર અસર કરી શકે. આ વિડીયો સામે આવ્યા બાદ તપાસ એજન્સીઓ ફરી સતર્ક થઈ છે અને ઉમરના સંપર્કો, તેનો નેટવર્ક અને આ વિડીયો ક્યારે-ક્યાં રેકોર્ડ થયો તેની દિશામાં તપાસ શરૂ કરી છે. હકીકતમાં, આ કેસ સાથે હરિયાણાની અલ-ફલાહ યુનિવર્સિટીના કેટલાક કડીઓ સામે આવતા તે પણ તપાસના કેન્દ્રમાં આવી છે.
દિલ્હી બ્લાસ્ટ કેસમાં અત્યાર સુધી અનેક ધરપકડો થઈ ચૂકી છે અને ઉમર નબીને મુખ્ય માસ્ટરમાઇન્ડ ગણવામાં આવે છે. તેનો આ નવો વિડીયો તેને કેટલો અને કેવી રીતે સપોર્ટ મળતો હતો અને તે ક્યાં-ક્યાંથી પ્રભાવિત હતો તેની દિશામાં તપાસને વધુ ગંભીર બનાવે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
