નવી દિલ્હીના ભારત મંડપમ ખાતે યોજાયેલી ઇન્ડિયા AI ઇમ્પેક્ટ સમિટ 2026 દરમિયાન ફ્રાન્સના પ્રમુખ ઈમેન્યુઅલ મેક્રોને વૈશ્વિક સ્તરે સંવેદનશીલ મુદ્દો ઉઠાવતા ભારતને ખાસ અપીલ કરી છે. તેમણે વડાપ્રધાન નરેન્દ્ર મોદીને જણાવ્યું કે બાળકોને સોશિયલ મીડિયાના દુષ્પ્રભાવથી સુરક્ષિત રાખવા માટે ભારતે પણ ફ્રાન્સ જેવી કડક નીતિઓ અપનાવવી જોઈએ. મેક્રોનના આ નિવેદનને વૈશ્વિક ડિજિટલ નીતિ અને બાળ સુરક્ષા ચર્ચાઓમાં મહત્વપૂર્ણ માનવામાં આવી રહ્યું છે.
15 વર્ષથી ઓછી ઉંમરના બાળકો માટે સોશિયલ મીડિયા પ્રતિબંધનો પ્રસ્તાવ
ફ્રાન્સના પ્રમુખે જણાવ્યું કે ફ્રાન્સ હાલમાં 15 વર્ષથી ઓછી ઉંમરના બાળકો માટે સોશિયલ મીડિયા પર પ્રતિબંધ લગાવવાની પ્રક્રિયા શરૂ કરી રહ્યું છે. ગ્રીસ, સ્પેન સહિત અન્ય યુરોપિયન દેશો પણ આ પહેલમાં જોડાઈ રહ્યા છે. મેક્રોને કહ્યું કે જો ભારત પણ આ પ્રયાસમાં જોડાય તો તે વૈશ્વિક સ્તરે બાળ સુરક્ષા માટે મોટું પગલું સાબિત થઈ શકે છે. તેમણે ઉમેર્યું કે બાળકોનું રક્ષણ માત્ર નિયમો બનાવવાનો મુદ્દો નથી પરંતુ તે એક સભ્યતાનો પ્રશ્ન છે.
#WATCH | Delhi: At the #IndiaAIImpactSummit2026, French President Emmanuel Macron says, "… One of our G7 priorities will be as well, children's protection against AI and digital abuse. There is no reason our children should be exposed online to what is legally forbidden in the… pic.twitter.com/ovqTnorlae
— ANI (@ANI) February 19, 2026
ભારત માટે આ અપીલ કેમ મહત્વપૂર્ણ?
વિશ્વમાં સૌથી મોટી યુવા વસ્તી ધરાવતા દેશ તરીકે ભારત માટે સોશિયલ મીડિયા ઉપયોગ અને તેની અસર મહત્વપૂર્ણ મુદ્દો બની રહ્યો છે. ઓસ્ટ્રેલિયા પહેલેથી જ બાળકો માટે સોશિયલ મીડિયા પર પ્રતિબંધ સંબંધિત નીતિ પર કામ કરી રહ્યું છે. આવા સમયમાં જો ભારત પણ યુરોપિયન દેશોની પહેલમાં જોડાય છે તો ડિજિટલ સુરક્ષા, ઑનલાઇન કન્ટેન્ટ નિયંત્રણ અને યુવાનોની માનસિક સુરક્ષા માટે મોટા પરિવર્તનો જોવા મળી શકે છે.
ભારતના ડિજિટલ મોડલની મેક્રોન દ્વારા પ્રશંસા
ફ્રાન્સના પ્રમુખે પોતાના સંબોધનમાં ભારતની ડિજિટલ ક્રાંતિના વખાણ કરતાં કહ્યું કે ભારતે વિશ્વમાં અનોખી સિદ્ધિઓ હાંસલ કરી છે. તેમણે 1.4 બિલિયન લોકો માટે ડિજિટલ ઓળખ પ્રણાલી, દર મહિને અબજો ટ્રાન્ઝેક્શન પ્રોસેસ કરતી ડિજિટલ પેમેન્ટ સિસ્ટમ અને 500 મિલિયનથી વધુ ડિજિટલ હેલ્થ ID જેવી પહેલોને ઉદાહરણ તરીકે રજૂ કરી.
#WATCH | Delhi: At the #IndiaAIImpactSummit2026, French President Emmanuel Macron says, "I started with a story about a street vendor in Mumbai. Ten years ago, the world told India that 1.4 billion people could not be brought into the digital economy. India proved them wrong.… pic.twitter.com/klKt5G1ans
— ANI (@ANI) February 19, 2026
ઇન્ડિયા AI ઇમ્પેક્ટ સમિટ 2026: વૈશ્વિક ટેક સહયોગ માટેનું મંચ
ઉલ્લેખનીય છે કે 19 ફેબ્રુઆરી, 2026ના રોજ વડાપ્રધાન નરેન્દ્ર મોદીએ ઇન્ડિયા AI ઇમ્પેક્ટ સમિટ 2026નું ઉદ્ઘાટન કર્યું હતું. ‘સર્વજન હિતાય, સર્વજન સુખાય’ થીમ હેઠળ યોજાયેલી આ સમિટનો મુખ્ય ઉદ્દેશ ભારતને આર્ટિફિશિયલ ઇન્ટેલિજન્સ ક્ષેત્રે વૈશ્વિક નેતૃત્વ તરફ આગળ ધપાવવાનો અને માનવ કલ્યાણ માટે AIનો ઉપયોગ વધારવાનો છે. ઉદ્ઘાટન સમારોહમાં સંયુક્ત રાષ્ટ્રના મહાસચિવ એન્ટોનિયો ગુટેરેસ સહિત વિશ્વભરના ટોચના નેતાઓ અને ઉદ્યોગપતિઓ હાજર રહ્યા હતા. સમિટમાં 500થી વધુ AI લીડર્સ, 100થી વધુ સરકારી પ્રતિનિધિઓ, 20થી વધુ રાષ્ટ્રાધ્યક્ષો, 60 મંત્રીઓ અને 150થી વધુ સંશોધકો સહિત સેંકડો નિષ્ણાતોએ ભાગ લીધો હતો.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
