12 ફેબ્રુઆરીએ દિલ્હી ખાતે રાજ્યસભામાં કેન્દ્રીય બજેટ 2026 દરમિયાન મનોરંજન ઉદ્યોગને મળેલી જોગવાઈઓ અંગે ચર્ચા દરમિયાન સમાજવાદી પાર્ટીના સાંસદ જયા બચ્ચને સરકારના જવાબ પર અસંતોષ વ્યક્ત કર્યો. તેમણે કેન્દ્રીય નાણાં પ્રધાન નિર્મલા સીતારમણને સંબોધતા જણાવ્યું કે તેમના જવાબો અસરકારક હોવા છતાં મનોરંજન ઉદ્યોગ સામે ઊભી રહેલી વાસ્તવિક સમસ્યાઓ પર વધુ સ્પષ્ટતા જરૂરી છે.
જયા બચ્ચને ખાસ કરીને ફિલ્મ અને અન્ય મનોરંજન કાર્યક્રમોની ટિકિટના વધતા ભાવ મુદ્દે ધ્યાન દોર્યું. તેમના કહેવા મુજબ મનોરંજન ઉદ્યોગ દેશના સૌથી વધુ કર ચૂકવનારા ક્ષેત્રોમાંથી એક છે, પરંતુ વધતા કરવેરા અને મોંઘી ટિકિટના કારણે ઉદ્યોગ પર આર્થિક દબાણ વધી રહ્યું છે. તેમણે ઉમેર્યું કે મોંઘવારીના કારણે દર્શકો માટે મનોરંજન ખર્ચાળ બની રહ્યું છે, જે સીધી રીતે ઉદ્યોગની આવકને અસર કરે છે.
નિર્મલા સીતારમણનો જવાબ: ટિકિટ કર રાજ્યનો વિષય
જવાબ આપતા કેન્દ્રીય નાણાં પ્રધાન નિર્મલા સીતારમણે સ્પષ્ટ કર્યું કે મનોરંજન કર અને ટિકિટની કિંમત કેન્દ્ર સરકારના અધિકારક્ષેત્રમાં આવતી નથી. તેમણે જણાવ્યું કે ટિકિટ પર લાગતા કર રાજ્ય સરકારના વિષય છે અને આ મુદ્દે કેન્દ્રને જવાબદાર ઠેરવવું યોગ્ય નથી. તેમણે કેન્દ્ર અને રાજ્ય સરકાર વચ્ચેની જવાબદારીઓનો તફાવત પણ સમજાવ્યો.
संसद में FM निर्मला सीतारमण का जया बच्चन पर तीखा पलटवार – "वोकल कॉर्ड्स सिर्फ आपकी नहीं हैं!"
राज्यसभा में हंगामा! सपा सांसद जया बच्चन ने मनोरंजन कर (Entertainment Tax) पर सवाल उठाया तो वित्त मंत्री निर्मला सीतारमण ने गुस्से में जवाब दिया –
"वोकल कॉर्ड्स सिर्फ आपकी नहीं हैं,… pic.twitter.com/dYdeWAga3o
— One India News (@oneindianewscom) February 14, 2026
નાણાં પ્રધાને જણાવ્યું કે બજેટ 2026માં મનોરંજન અને કન્ટેન્ટ ક્રિએશન ક્ષેત્રને વિકાસના મહત્વપૂર્ણ એન્જિન તરીકે ઓળખવામાં આવ્યું છે. એનિમેશન, વિઝ્યુઅલ ઇફેક્ટ્સ (VFX) અને ડિજિટલ કન્ટેન્ટ ઇન્ડસ્ટ્રીમાં કુશળ માનવશક્તિ તૈયાર કરવા માટે ‘ઇન્ડિયન ઇન્સ્ટિટ્યૂટ ઓફ ક્રિએટિવ ટેક્નોલોજીઝ’ દેશભરમાં લગભગ 1500 શાળાઓમાં કન્ટેન્ટ-ક્રિએટર લેબ્સ સ્થાપિત કરવામાં મદદ કરશે. સરકારનો લક્ષ્ય 2030 સુધીમાં લગભગ 20 લાખ વ્યાવસાયિકોને તાલીમ આપવાનો છે.
તેમણે ડિઝાઇન, કોસ્ચ્યુમ, સેટ ડિઝાઇન અને દૃશ્ય સૌંદર્ય જેવા ક્ષેત્રોમાં કૌશલ્યની અછત દૂર કરવા માટે નવી નેશનલ ઇન્સ્ટિટ્યૂટ ઓફ ડિઝાઇનની શાખાઓ શરૂ કરવાની જાહેરાત પણ કરી. ઉપરાંત મુંબઈમાં યોજાયેલી વર્લ્ડ ઓડિયો વિઝ્યુઅલ એન્ડ એન્ટરટેઈનમેન્ટ સમિટ 2025 (WAVES 2025)નું ઉદાહરણ આપીને તેમણે કહ્યું કે તેમાં 90થી વધુ દેશો અને 10,000થી વધુ પ્રતિનિધિઓની ભાગીદારી સરકારના મનોરંજન ઉદ્યોગ પ્રત્યેના પ્રયત્નોને દર્શાવે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
