એન્ફોર્સમેન્ટ ડિરેક્ટોરેટ (ED)એ ગેરકાયદેસર રીતે લોકોને વિદેશ મોકલતી ‘ડંકી રૂટ’ ગેંગ સામે મોટી કાર્યવાહી કરતાં દિલ્હી અને હરિયાણામાં એકસાથે વ્યાપક દરોડા પાડ્યા છે. પંજાબના જલંધર ઝોનલ ઓફિસની ટીમે મની લોન્ડરિંગ કેસ હેઠળ ગઈકાલે રહેણાંક સહિત કુલ 13 સ્થળોએ સર્ચ ઓપરેશન હાથ ધર્યું હતું. તપાસ દરમિયાન સામે આવ્યું છે કે ફેબ્રુઆરી 2025માં અમેરિકા દ્વારા દેશનિકાલ કરાયેલા 330 ભારતીયોમાંથી કેટલાકને ગેરકાયદે રીતે મોકલવામાં આ ગેંગ સંકળાયેલી હતી.
દિલ્હીમાં એક ટ્રાવેલ એજન્ટના ઠેકાણે પાડવામાં આવેલા દરોડા દરમિયાન ઈડીને ભારે માત્રામાં રોકડ અને મોંઘી ચીજવસ્તુઓ મળી આવી છે. અધિકારીઓએ 4.62 કરોડ રૂપિયા રોકડા, 313 કિલોગ્રામ ચાંદી અને લગભગ 6 કિલોગ્રામ સોનાના બિસ્કીટ જપ્ત કર્યા છે. જપ્ત કરાયેલ સામગ્રીની કુલ અંદાજિત કિંમત આશરે 19.13 કરોડ રૂપિયા હોવાનું જણાવવામાં આવ્યું છે. આ ઉપરાંત તપાસ ટીમને મહત્વપૂર્ણ ડિજિટલ પુરાવા પણ મળ્યા છે, જેમાં ચેટ્સ, ટિકિટ બુકિંગની વિગતો, મુસાફરીના રૂટ અને ડંકી રૂટ મારફતે વિદેશ મોકલવા માટે થયેલી નાણાકીય ડીલ અંગેની વાતચીત સામેલ છે.
Primary search findings from the raid conducted on December 18 at 13 locations in Punjab, Haryana and Delhi by the Jalandhar Enforcement Directorate in the donkey route case have revealed crucial findings and evidence in the case. Cash of Rs 4.62 crore has been found, silver 313… pic.twitter.com/Bi6VHZH7Ii
— ANI (@ANI) December 19, 2025
દરોડા દરમિયાન હરિયાણાના એક મોટા ખેલાડીના ઠેકાણેથી પણ ચોંકાવનારા રેકોર્ડ સામે આવ્યા છે. આ રેકોર્ડ મુજબ ગેંગ લોકો પાસેથી તેમની જમીન અથવા સંપત્તિ ગિરવે રાખાવીને મેક્સિકો મારફતે અમેરિકા ગેરકાયદે રીતે મોકલતી હતી. અન્ય સ્થળોએ થયેલા સર્ચમાં મોબાઈલ ફોન, મહત્વપૂર્ણ દસ્તાવેજો અને શંકાસ્પદ સામગ્રી જપ્ત કરવામાં આવી છે. ઈડીએ જપ્ત કરાયેલ ડિજિટલ ડેટા અને દસ્તાવેજોને ફોરેન્સિક તપાસ માટે મોકલી દીધા છે, જેના આધારે આખા નેટવર્ક, તેમાં સામેલ ટ્રાવેલ એજન્ટો, વચેટીયાઓ અને હવાલા ઓપરેટરો અંગે મોટા ખુલાસા થવાની શક્યતા છે. પંજાબ અને હરિયાણા પોલીસમાં અગાઉ નોંધાયેલી એફઆઈઆરના આધારે હાથ ધરાયેલી આ કાર્યવાહી બાદ વધુ ધરપકડો અને ગેંગના આંતરરાષ્ટ્રીય જોડાણો સામે આવવાની સંભાવના વ્યક્ત કરવામાં આવી રહી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
