નાણાકીય બાબતોની તપાસ કરતી કેન્દ્રીય એજન્સી એન્ફોર્સમેન્ટ ડિરેક્ટોરેટ (ED)એ વિવાદાસ્પદ ન્યૂઝ વેબસાઇટ NewsClick અને તેના સ્થાપક એડિટર-ઇન-ચીફ Prabir Purkayastha સામે વિદેશી વિનિમય વ્યવસ્થાપન અધિનિયમ (FEMA – Foreign Exchange Management Act, 1999) હેઠળ કુલ ₹184 કરોડનો દંડ ફટકાર્યો છે. આ કાર્યવાહી 16 ફેબ્રુઆરી 2026ના રોજ જાહેર કરવામાં આવી હતી. EDના આદેશ મુજબ ₹120 કરોડનો દંડ NewsClickની માલિક કંપની PPK NewsClick Studio Private Limited પર અને ₹64 કરોડનો દંડ પ્રબીર પુરકાયસ્થ પર વ્યક્તિગત રીતે લગાવવામાં આવ્યો છે.
FEMA ઉલ્લંઘનના આરોપ, વિદેશી રોકાણ અંગે ગેરરીતિઓ
તપાસ એજન્સીના જણાવ્યા મુજબ લાંબા સમયથી ચાલી રહેલી તપાસ બાદ આ કાર્યવાહી કરવામાં આવી છે. તપાસમાં બહાર આવ્યું છે કે વર્ષ 2018-19 દરમિયાન કંપનીએ આશરે ₹9.59 કરોડનું ફોરેન ડાયરેક્ટ ઇન્વેસ્ટમેન્ટ (FDI) મેળવ્યું હતું, જેમાં ખોટી માહિતી આપીને FEMAના નિયમોનું ઉલ્લંઘન થયાનું EDનો આરોપ છે. FEMAની કલમ 13(1) હેઠળ આ દંડ લાગુ કરવામાં આવ્યો છે.
સર્વિસ એક્સપોર્ટના નામે વિદેશી ફંડિંગ પર સવાલ
EDના જણાવ્યા મુજબ 2018-19થી 2023-24 વચ્ચે ‘એક્સપોર્ટ ઑફ સર્વિસ’ના નામે આશરે ₹82.63 કરોડ વિદેશથી પ્રાપ્ત કરવામાં આવ્યા હતા. તપાસમાં જણાયું છે કે આ ટ્રાન્ઝેક્શન્સ દરમિયાન જરૂરી રિપોર્ટિંગ (જેમ કે SOFTEX ફોર્મ) કરવામાં આવ્યું નહોતું અને FEMAની જોગવાઈઓનું પાલન થયું ન હતું. એજન્સીનો આરોપ છે કે આ વ્યવહારો FEMAના ઉદ્દેશ્યોને બાઇપાસ કરવા માટે રચવામાં આવ્યા હતા.
વિદેશી ભંડોળ અને નેવિલ રોય સિંઘમની ભૂમિકા તપાસ હેઠળ
આ કેસમાં અમેરિકન અરબપતિ Neville Roy Singhamની ભૂમિકાની પણ તપાસ ચાલી રહી છે. EDનો આરોપ છે કે ચીન સાથે સંબંધ ધરાવતા સિંઘમ દ્વારા આ પોર્ટલને ફંડિંગ આપવામાં આવ્યું હોઈ શકે છે અને આ ભંડોળનો ઉપયોગ ભારત વિરોધી પ્રોપેગેન્ડા માટે થયો હોવાની શક્યતા છે.
NewsClick અને પ્રબીર પુરકાયસ્થ 2021થી વિવિધ તપાસ એજન્સીઓના રડાર પર છે. સપ્ટેમ્બર 2021માં EDએ દિલ્હીમાં સ્થિત ઓફિસ પર દરોડા પાડ્યા હતા અને મની લોન્ડરિંગ સંબંધિત તપાસ શરૂ કરી હતી. ઑક્ટોબર 2023માં દિલ્હી પોલીસે પુરકાયસ્થની ધરપકડ પણ કરી હતી, જોકે તેઓ હાલ જામીન પર બહાર છે. આ ઉપરાંત CBI, ઇન્કમ ટેક્સ વિભાગ અને FCRA સંબંધિત તપાસ પણ ચાલુ છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
