મેઘાલયના રાજકારણ માટે આજે કાળો દિવસ રહ્યો છે. શિલોંગના લોકપ્રિય સાંસદ અને વોઈસ ઓફ ધ પીપલ પાર્ટી (VPP) ના દિગ્ગજ નેતા રિકી એ.જે. સિંગકોનનું ફૂટબોલ રમતી વખતે હાર્ટ એટેકને કારણે નિધન થયું છે. મેદાન પર અચાનક ઢળી પડેલા સાંસદના અવસાનથી સમગ્ર રાજ્યમાં શોકનો માહોલ ફેલાયો છે.
ગુરુવારે સાંજે, રિકી એ.જે. સિંગકોન માવલાઈ માવિયોંગ ખાતે તેમના મિત્રોના સાથે ફૂટબોલ રમતા હતા. રમત દરમિયાન જ તેમને છાતીમાં તીવ્ર દુખાવો થયો અને તેઓ અચાનક બેભાન થઈ ગયા. મેદાન પર એમનો ઢળી પડવાથી હાજર લોકો વચ્ચે ચીસ-શોર મચી ગયો.
Meghalaya CM Conrad K Sangma tweets, "Deeply shocked and profoundly saddened by the untimely demise of Hon’ble MP from Shillong, Dr. Ricky A J Syngkon. Dr. Ricky was a dedicated and compassionate leader, with deep enthusiasm for public service and unwavering commitment to his… pic.twitter.com/tMhOwe6vzC
— ANI (@ANI) February 20, 2026
સ્થાનિક અહેવાલ અનુસાર, સાંસદને તરત જ માવિયોંગ કમ્યુનિટી હેલ્થ સેન્ટર ખાતે ખસેડવામાં આવ્યા. પરંતુ ત્યાં કોઈ ડોક્ટર હાજર ન હોવાને કારણે તેમને તાત્કાલિક નજીકની ડૉ. એચ. ગોર્ડન રોબર્ટ્સ હોસ્પિટલમાં રીફર કરવું પડ્યું. હોસ્પિટલમાં તબીબોએ તમામ પ્રયાસો કર્યા છતાં સાંસદને બચાવી શકાયું ન હતું.
સાંસદના નિધનના સમાચાર મળતાં જ, મેઘાલયના ડેપ્યુટી મુખ્યમંત્રી પ્રેસ્ટોન તિનસોંગ અને અન્ય રાજકીય નેતાઓ તરત હોસ્પિટલ પહોંચ્યા. મુખ્યમંત્રી કોનરાડ સંગમા સોશિયલ મીડિયામાં શોક વ્યક્ત કરતાં જણાવ્યું, “ડૉ. રિકી એ.જે. સિંગકોન એક જનતાને સમર્પિત નેતા હતા. તેમનું અકાળે જવું રાજ્ય માટે અનિવાર્ય ખોટ છે.”
સિંગકોન VPP પાર્ટીના દિગ્ગજ નેતા તરીકે જાણીતા હતા અને શિલોંગની જનતા વચ્ચે તેઓ ખૂબ લોકપ્રિય હતા. તેમનું અચાનક અવસાન મેઘાલયના રાજકારણમાં ખળભળાટ અને શોકનું માહોલ પેદા કરી દીધું છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
