વિધાનસભાના ગૃહમાં કલમ 44 હેઠળ રાજ્યના ગૃહમંત્રી હર્ષ સંધવીએ લગ્ન નોંધણી સુધારા નિયમો રજૂ કરતાં જણાવ્યું કે રાજ્ય સરકાર પ્રેમલગ્નનો કોઈ વિરોધ કરતી નથી, પરંતુ છેતરપીંડી, છળકપટ અને ખોટી ઓળખ દ્વારા યુવતીઓને ફસાવવાના વધતા બનાવોને ધ્યાનમાં રાખીને કાયદાકીય રીતે વધુ કડક અને સ્પષ્ટ જોગવાઈઓ લાવવા પ્રતિબદ્ધ છે. તેમણે સ્પષ્ટ કર્યું કે આ સુધારા નિયમોનો મુખ્ય હેતુ કોઈ વ્યક્તિગત સ્વતંત્રતાને મર્યાદિત કરવાનો નથી, પરંતુ રાજ્યની દીકરીઓની સુરક્ષા અને પારદર્શક લગ્ન નોંધણી પ્રણાલીને મજબૂત બનાવવાનો છે.
Gandhinagar | Gujarat Deputy CM Harsh Sanghavi says," Under the guidance of Chief Minister Bhupendra Patel, the Gujarat Government is committed to protecting Sanatan traditions and India’s marriage system. In certain villages of Panchmahal, where there is not even a single Muslim… pic.twitter.com/Vi2HhXsBTd
— ANI (@ANI) February 20, 2026
ગૃહમંત્રીએ જણાવ્યું કે લગ્ન નોંધણી સંબંધિત પ્રસ્તાવિત સુધારાઓ અંગે આગામી 30 દિવસ સુધી આરોગ્ય અને પરિવાર કલ્યાણ વિભાગની સત્તાવાર વેબસાઈટ પર જનતા, વિવિધ સમાજો, સંસ્થાઓ અને કાનૂની નિષ્ણાતોના સૂચનો તેમજ વાંધા-સૂચનો મંગાવવામાં આવશે. આ પ્રક્રિયા દ્વારા સરકાર પારદર્શિતા જાળવીને લોકભાગીદારી સુનિશ્ચિત કરવા માંગે છે. મળેલા તમામ સૂચનો અને રજૂઆતોનું વિગતવાર વિશ્લેષણ કર્યા બાદ જ અંતિમ નિર્ણય લેવામાં આવશે.
આ ચર્ચા દરમિયાન ગૃહમંત્રીએ ઉલ્લેખ કર્યો કે ઠાકોર સમાજના આગેવાન લવિંગજી ઠાકોર તેમજ મંત્રી સ્વરૂપજી ઠાકોરે પણ બિલ અંગે મહત્વપૂર્ણ સૂચનો રજૂ કર્યા છે. વિવિધ સમાજના પ્રતિનિધિઓએ યુવતીઓ સાથે છેતરપીંડીના બનાવોને લઈને ચિંતા વ્યક્ત કરી હોવાનું તેમણે જણાવ્યું. ગૃહમંત્રીએ કહ્યું કે સમાજમાં ઉધઈની જેમ ઝેર ફેલાઈ રહ્યું હતું અને સરકાર તેનો કડક પ્રતિબંધ લાવવા માટે પ્રયત્નશીલ છે.
તેમણે કડક શબ્દોમાં ચેતવણી આપી કે કોઈ પણ વ્યક્તિ ખોટી ઓળખ અપનાવી રાજ્યની દીકરીઓને ઠેસ પહોંચાડવાનો પ્રયાસ કરશે તો તેની સામે કાયદાની જોગવાઈ મુજબ કડક સજા કરવામાં આવશે. “ઇતિહાસ સાક્ષી છે કે જ્યારે સ્ત્રીના સન્માનને ઠેસ પહોંચે છે ત્યારે સમાજનું પતન થાય છે,” એમ કહી ગૃહમંત્રીએ મહિલાઓની સુરક્ષા અને સન્માનને સર્વોચ્ચ પ્રાથમિકતા આપવાની સરકારની પ્રતિબદ્ધતા પુનરોચ્ચાર કરી.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
